A. I. Umirdinov, A. M. Xakimov xalqaro ommaviy huquq sud amaliyoti o‘quv-uslubiy qo‘llanma (keyslar to‘plami) toshkent – 2018

5-modda
Majburiy tarzda tortib olish
1) Har qanday Ahdlashuvchi Tomon fuqarolari yoki shirkatlarining sarmoyalari milliylashtirilmaydi va majburiy tarzda tortib olinmaydi yoki majburiy tarzda tortib olish oqibatlariga o‘xshash choralarga duchor qilinmaydi, (bundan keyin «majburiy tarzda tortib olish» deb nomlanadi) yoki boshqa Ahdlashuvchi Tomon hududida ushbu Tomonning ichki zaruriyati bilan bog‘liq bo‘lgan ijtimoiy maqsadlaridan bo‘lak hollarda, o‘z vaqtida kamsitmaslik asosida aynan bir xil va samarali o‘rnini to‘ldirishga loyiq bo‘ladi. Bunday kompensatsiya majburiy tortib olingan yoki majburiy tortib olishdan byevosita oldin, yoxud kelajakdagi majburiy tortib olish oshkor bo‘lishidan oldin joylashgan sarmoyaning haqiqiy qiymatiga mos keladi va to‘lov sanasigacha normal tijoriy kurs bo‘yicha foizlarni o‘z ichiga oladi, to‘xtovlarsiz, samarali amalga oshiriladigan va erkin o‘tkaziladigan bo‘ladi. Majburiy tarzda tortib olishdan zarar ko‘rgan fuqarolar yoki shirkatlar, majburiy tarzda tortib olishni o‘tkazayotgan Ahdlashuvchi Tomonning qonunlariga binoan, shu tomonning sud yoki boshqa mustaqil hokimiyati tegishli ko‘rib chiqilishiga huquqlari bo‘lib, ularning ishlari va sarmoyalarining qiymatlari ushbu band bilan belgilangan tegishli qoidalarga muvofiq baholanadi.
2) Ahdlashuvchi Tomon o‘z hududining har qanday qismida qonunlarga binoan tuzilib amal qilayotgan shirkatning sarmoyalarini majburiy tarzda tortib olsa, va ushbu shirkatning aksiyalariga boshqa Ahdlashuvchi Tomonning fuqarolari yoki shirkatlari ega bo‘lsa, shunday fuqarolar yoki shirkatlarga nisbatan mazkur moddaning 1-bandi o‘z vaqtida aynan bir xil va samarali to‘ldirishlar haqidagi qoidalarni kuchga kiritadi.
6-modda
Sarmoyalar va daromadlarning o‘z o‘rniga qaytishi
Ahdlashuvchi Tomonlarning har biri boshqa Ahdlashuvchi Tomon fuqarolari yoki shirkatlari sarmoyalariga munosabatda bo‘lishda ularning sarmoyalarining va daromadlarining erkin o‘tkazilishini kafolatlaydi. O‘tkazishlar sarmoyalar qaysi valyutada amalga oshirilsa, yoki sarmoya kirituvchi va tegishli Ahdlashuvchi Tomon o‘rtasidagi kelishuvga muvofiq, har qanday boshqa erkin muomaladagi valyutada amalga oshiriladi. O‘tkazishlar, agar sarmoya qiluvchi rozi bo‘lmasa, o‘tkazish sanasida amalda bo‘lgan almashuv kursi bo‘yicha, almashuv qoidalariga muvofiq amalga oshiriladi.