A. I. Umirdinov, A. M. Xakimov xalqaro ommaviy huquq sud amaliyoti o‘quv-uslubiy qo‘llanma (keyslar to‘plami) toshkent – 2018

2-modda
Sarmoyalarni rag‘batlantirish va himoya qilish
1. Har bir Ahdlashuvchi Tomon o‘z hududida ikkinchi bir Ahdlashuvchi Tomonga fuqarolar va shirkatlarga sarmoya joylashtirish uchun qulay sharoitlar yaratadi, rag‘batlantiradi va qonun bergan o‘zining huquqlariga muvofiq bunday kapital qo‘yilmalarga yo‘l beradi.
2. Har bir Ahdlashuvchi Tomondan fuqarolar yoki shirkatlarning sarmoyalariga ikkinchi Ahdlashuvchi Tomon hududida adolat va teng huquqlilik munosabati va to‘liq himoya va xavfsizlik ta’minlanadi. Ahdlashuvchi Tomondan hech biri hech qachon o‘z hududida ikkinchi Ahdlashuvchi Tomon fuqarolari yoki shirkatlari sarmoyalarini boshqarish, ta’minlash, foydalanish, daromad olish yoki unumli sarf qilishga nisbatan asossiz yoxud kamsituvchi tadbirlarni qo‘llamaydi. Har bir Ahdlashuvchi Tomon ikkinchi Ahdlashuvchi Tomon fuqarolari yoki shirkatlari sarmoyalariga nisbatan qabul qilinishi mumkin bo‘lgan har qanday majburiyatni bajaradi.
3-modda
Milliy tartibot va mumkin qadar qulaylik byerish tartibotining qoidalari
1. Ahdlashuvchi Tomonlardan hyech biri o‘z hududida ikkinchi Ahdlashuvchi Tomonning fuqarolari yoki shirkatlarining sarmoyalari va daromadlariga o‘zining fuqarolari yoki shirkatlari sarmoyalariga yoxud daromadlariga nisbatan, har qanday uchinchi mamlakat fuqarolari yoki shirkatlarining sarmoyalari va daromadlariga byerilgan eng qulay sharoitli tartibotdan kam bo‘lmagan tartibot taqdim etmaydi.
2. Ahdlashuvchi Tomonlardan hech biri ikkinchi Ahdlashuvchi Tomon fuqarolari yoki shirkatlari sarmoyalarini boshqarish, ta’minlash, foydalanish, daromad olish yoki unumli sarf qilishga nisbatan o‘zining fuqarolari yoki shirkatlari yoxud har qanday uchinchi mamlakat fuqarolari yoki shirkatlari uchun yaratilgan qulay sharoitli tartibotdan kam bo‘lmaganini taqdim etmaydi.
3. Bu hisobda ikkilanishning oldini olish uchun yuqorida 1 va 2-bandlarda bayon etilgan tartibot ushbu Bitimning 1 — 11-moddasigacha tatbiq etilishi tasdiqlanadi.
4-modda
Zarar o‘rnini to‘ldirish
1. Bir Ahdlashuvchi Tomon fuqarolari yoki shirkatlarining sarmoyalari boshqa Ahdlashuvchi Tomonning hududida joylashganda, ikkinchi Ahdlashuvchi Tomon hududida sodir bulayotgan urush yoxud boshqa qurolli to‘qnashuv, inqilob, favqulodda vaziyat, qo‘zg‘olon, g‘alayon va to‘polon oqibatida sarmoyalar zararlansa, u ikkinchi Ahdlashuvchi Tomon tarafidan restitutsiya, kompensatsiya o‘rnini to‘ldirish yoki boshqa to‘lovlar bilan eng qulay tartibotda qoplansada, u ushbu Ahdlashuvchi Tomonning o‘z fuqarolari yoki shirkatlariga yoxud har qanday uchinchi mamlakat fuqarolari yoki shirkatlariga taqdim etilayotgan tartibotdan kam bo‘lmaydi. Bunday to‘lovlar erkin o‘tkaziladi.
2. Ushbu moddaning 1-bandi mazmunini o‘zgartirmasdan Ahdlashuvchi Tomonlardan birining fuqarolari va shirkatlari 1-bandda sanab o‘tilgan har qanday vaziyatda ikkinchi Ahdlashuvchi Tomonning hududida quyidagicha zarar ko‘rsalar:
a) ularga tegishli mulkni boshqa Tomon kuchlari yoki hokimiyat tomonidan musodara qilinganda, yoki
b) ularga tegishli mulk boshqa Tomon kuchlari yoki hokimiyati tomonidan vayron etilsa, hamda bu hol bosqinchilik harakatini ko‘zlab yoki vaziyat taqozosi bilan sodir etilmagan bo‘lsa, unda ular restitutsiya qilinadi, yoxud shunga aynan o‘xshashi bilan o‘rni to‘ldiriladi. So‘nggi to‘lovlar erkin o‘tkaziladi.