A. I. Umirdinov, A. M. Xakimov xalqaro ommaviy huquq sud amaliyoti o‘quv-uslubiy qo‘llanma (keyslar to‘plami) toshkent – 2018

9-modda
Ahdlashuvchi Tomonlar o‘rtasidagi nizolar
1. Ushbu Bitimni sharhlash yoki qo‘llash masalasida Ahdlashuvchi Tomonlar o‘rtasida paydo bo‘lgan nizolar, imkoniyati boricha diplomatik yo‘llar bilan tartibga solinishi lozim.
2. Agar Ahdlashuvchi Tomonlar o‘rtasidagi nizoni bunday yo‘l bilan hal etib bo‘lmasa, xohlagan Tomonning iltimosiga ko‘ra, ish tomonlarning o‘zaro kelishuviga muvofiq saylangan hakamlik sudiga oshiriladi.
3. Bunday hakamlik sudi har alohida vaziyat uchun quyidagi yo‘l bilan tashkil etiladi: Hakamlik sudi haqida arznoma olingan kundan boshlab ikki oy mobaynida har bir Ahdlashuvchi Tomon bittadan sud a’zosini tayinlaydi. Sudning bu ikki a’zosi uchinchi mamlakatning fuqarosini saylaydilar, u ikki Ahdlashuvchi Tomonning roziligi bilan sud raisi qilib tayinlanadi. Sud raisi sudning boshqa ikki a’zosi tayinlangan kundan ikki oy ichida tayinlanishi shart.
4. Agar ushbu moddaning uchinchi bandida keltirilgan tayinlashlar o‘z vaqtida amalga oshirilmasa, Ahdlashuvchi Tomonlarning har biri, Xalqaro Sud Prezidentining ko‘zda tutilgan boshqa shartnomalari bo‘lmagan taqdirda, yuqorida keltirilgan tayinlashlarni amalga oshirish uchun taklif qilishlari mumkin. Agar Prezident Ahdlashuvchi Tomonlardan birining fuqarosi bo‘lsa yoki qaysidir boshqa sabablarga ko‘ra, yuqoridagi ishni olib bora olmasa, unda zarur tayinlashlarni amalga oshirish uchun Vitse-Prezident taklif qilinadi. Agar Vitse-Prezident Ahdlashuvchi Tomonlardan birining fuqarosi bo‘lsa yoki qaysidir sabablarga ko‘ra qayd qilingan ishni bajara olmasa, uni bajarish uchun mavqei bo‘yicha Vitse-Prezidentdan keyin turgan va Ahdlashuvchi Tomonlardan biron-birining fuqarosi bo‘lmasa taklif etiladi.
5. Tomonlarning o‘zaro kelishuviga muvofiq saylangan hakamlik sudi ko‘pchilik ovoz bilan o‘z qarorini qabul qiladi. Bunday qaror har qaysi Ahdlashuvchi Tomon uchun majburiydir. Har bir Ahdlashuvchi Tomon o‘zining sud a’zosiga doir barcha xarajatlarni o‘zi qoplaydi; va hakamlik ishida o‘zining vakolatlantirilganligi bo‘yicha, ishni muhokama qilish davrida sud raisiga sarflanadigan xarajatlarni va qolgan xarajatlarni tomonlar teng qismda ko‘taradilar. Shunday bo‘lsa ham, sud xarajatlarining katta qismini to‘lashni Ahdlashuvchi Tomonlarning biriga topshirish haqida hukm chiqarish va bu hukm har ikki Ahdlashuvchi Tomon uchun majburiy xususiyatga ega bo‘lishi mumkin. Ishni ko‘rib chiqish tartibini tomonlarning o‘zaro kelishuviga muvofiq saylangan hakamlik sudining o‘zi byelgilaydi.