A. I. Umirdinov, A. M. Xakimov xalqaro ommaviy huquq sud amaliyoti o‘quv-uslubiy qo‘llanma (keyslar to‘plami) toshkent – 2018

10-modda
Subrogatsiya
1. Agar Ahdlashuvchi Tomonlardan biri yoki uning tayinlangan vakili («Birinchi Ahdlashuvchi Tomon») boshqa Ahdlashuvchi Tomonning («ikkinchi Ahdlashuvchi Tomon») hududida sarmoyalarga nisbatan to‘lovlarni qoplashni amalga oshirgan hollarda ikkinchi Ahdlashuvchi Tomon quyidagilarni tan oladi:
a) Qonun yoki qonuniy muomalalar bo‘yicha mablag‘ sarflovchining va tovon olayotgan tomonning barcha huquqlari birinchi Ahdlashuvchi Tomonga o‘tishini, va
b) Birinchi Ahdlashuvchi Tomon ham tovon olayotgan Tomon singari, subrogatsiya qoidasiga muvofiq, bunday huquqlarni amalga oshirishi mumkin, hamda shunday talablar q o‘yishi mumkin.
2. Birinchi Ahdlashuvchi Tomon barcha vaziyatlarda quyidagilarga nisbatan shu kabi tartibot huquqini qo‘lga kiritadi:
a) shunday o‘tkazishga muvofiq o‘zi talab qilayotgan huquq va talablarni va
b) shunday huquq va talablar natijasida olingan har qanday to‘lovlarni, shuningdyek tovon olayotgan Tomon singari, ushbu Bitim bo‘yicha sarmoya va u bilan bog‘liq daromadlarga nisbatan tovon olish huquqiga ega.
3. Birinchi Ahdlashuvchi Tomonning olayotgan huquq va talablari bo‘yicha erkin muomalada bo‘lmagan valyutadagi olayotgan har qanday to‘lovlari birinchi Ahdlashuvchi Tomonga ikkinchi Ahdlashuvchi Tomon hududida paydo bo‘ladigan xarajatlarni qoplash uchun mumkin bo‘lishi kerak.
11-modda
Boshqa qoidalarni qo‘llash
Agar Ahdlashuvchi Tomonlardan birining qonunchiligidagi qoidalari yoki majburiyatlari joriy xalqaro qonunchilik yoki Ahdlashuvchi Tomonlar o‘rtasida ushbu Bitimga qushimcha sifatida qabul etilgan umumiy yoxud maxsus qoidalarni tashkil qilsa, bu esa ushbu Bitim asosida berilgan tartibotga ko‘ra, boshqa Ahdlashuvchi Tomonning fuqarolari yoki shirkatlarining sarmoyalariga yanada qulayroq tartibotni bersa, bunday qoidalar o‘ta qulayligi bilan ushbu Bitimdan afzalroq bo‘ladi .
12-modda
Hududiy tarqalishi
Mazkur Bitim qoidalari ushbu Bitim imzolanishi vaqtida yoki undan kyeyin xohlagan Xalqaro munosabatlar uchun javobgarligi Birlashgan Qirollik Hukumati zimmasida bo‘lgan hududlarga tarqaladi va u Ahdlashuvchi Tomonlar o‘rtasida notalar bilan almashish tarzida shartlanishi mumkin.