A. I. Umirdinov, A. M. Xakimov xalqaro ommaviy huquq sud amaliyoti o‘quv-uslubiy qo‘llanma (keyslar to‘plami) toshkent – 2018

9-modda
Ahdlashuvchi Tomonlar o‘rtasidagi nizolar
1. Ahdlashuvchi Tomonlar o‘rtasidagi ushbu Bitimni talqin qilish yoki qo‘llash borasidagi nizolar imkoniyatga ko‘ra, shu jumladan, agar har ikkala Ahdlashuvchi Tomon ham ana shu har ikkala Ahdlashuvchi Tomonlarning vakillaridan tashkil topgan Ikki tomonlama Komissiyaga murojaat etish imkoniyatiga ega bo‘lishni istasalar diplomatik kanallar orqali muvofiqlashtirilishi lozim.
2. Agar Ahdlashuvchi Tomonlar o‘rtasidagi nizolar ular paydo bo‘lganligi to‘g‘risida xabar berilgan kundan boshlab olti oy mobaynida bunday yo‘l bilan hal etilmasa, istalgan Tomonning iltimosiga ko‘ra ish hakamlik sudiga topshiriladi.
3. Bunday hakamlik sudi har bir konkret ish uchun quyidagi tartibda tuziladi: arbitraj to‘g‘risida iltimosnoma olingandan so‘ng ikki oy mobaynida har bir Ahdlashuvchi Tomon bittadan sud a’zosini tayinlaydi. Sudning ana shu ikki a’zosi uchinchi Davlat fuqarosini tayinlaydi va u har ikkala Ahdlashuvchi Tomonning roziligiga binoan sud Raisi etib tayinlanadi. Sud Raisi sudning har ikki a’zosi tayinlangan kundan so‘nggi ikki oy muddat mobaynida tayinlanishi lozim.
4. Agar mazkur moddaning 3-bandida belgilangan davr mobaynida zaruriy tayinlov amalga oshirilmasa, istalgan Ahdlashuvchi Tomon, boshqa kelishuv bo‘lmagan holda zaruriy tayinlovni o‘tkazish uchun Parijdagi Xalqaro Savdo Palatasining Xalqaro Sudi (bundan buyon XSP deb yuritiladi) Prezidentini taklif etishga haqli. Agar Xalqaro Sud Prezidenti Ahdlashuvchi Tomonlardan birining fuqarosi bo‘lsa yoki u belgilangan vazifalarni bajara olmasa, zaruriy tayinlov uchun Ahdlashuvchi Tomonlardan hech qaysisining fuqarosi bo‘lmagan Vitse-Prezident taklif etiladi.
5. Hakamlik sudi o‘z qarorlarini ko‘pchilik ovoz bilan qabul qiladi. Bunday qarorlar har ikkala Ahdlashuvchi Tomon uchun majburiy hisoblanadi. Har bir Ahdlashuvchi Tomon o‘z sud a’zosi va arbitraj ishidagi o‘z vakiliga sarflanadigan xarajatlarni to‘laydi. Ish ko‘rilayotgan davrda sud Raisi uchun sarflanadigan va boshqa xarajatlarni Tomonlar teng ravishda birgalikda to‘laydilar. Ishni ko‘rib chiqishning tartib-qoidalari hakamlik sudi tomonidan belgilanadi.