A. I. Umirdinov, A. M. Xakimov xalqaro ommaviy huquq sud amaliyoti o‘quv-uslubiy qo‘llanma (keyslar to‘plami) toshkent – 2018

10-modda
Subrogatsiya
1. Agar Ahdlashuvchi Tomonlardan biri yoki u vakolatli etib tayinlagan Agentlik («Birinchi Ahdlashuvchi Tomon») boshqa Ahdlashuvchi Tomon («Ikkinchi Ahdlashuvchi Tomon») hududidagi investitsiyalarga nisbatan zararlarni qoplash bo‘yicha tovon to‘lovlarini amalga oshiradigan bo‘lsa, ikkinchi Ahdlashuvchi Tomon quyidagilarni tan oladi:
a) Tovon to‘lovlari oluvchi Tomonning qonunga ko‘ra yoki qonuniy operatsiyalarga oid barcha huquq va talablari birinchi Ahdlashuvchi Tomonga o‘tadi;
b) birinchi Ahdlashuvchi Tomon tovon to‘lovlari oluvchi Tomon singari subrogatsiya prinsiplariga muvofiq o‘z huquqlarini amalga oshirishi va shunday talablarni qo‘ya olishi uchun ham o‘z zimmasiga investitsiyalar bilan bog‘liq bo‘lgan majburiyatlarni oladi.
2. Har qanday holatlarda ham birinchi Ahdlashuvchi Tomon quyidagi huquqlarga ega bo‘ladi:
a) berilgan huquq va talablarga muvofiq ega bo‘lgan huquq, talab va majburiyatlariga nisbatan birdek ryejim;
b) shunday huquq va talablar natijasida olingan har qanday to‘lovlar, shuningdyek tovon to‘lovlari oluvchi Tomon sifatida u investitsiyalar va ular bilan bog‘liq bo‘lgan daromadlarga nisbatan ushbu Bitimga muvofiq tovon to‘lovlari olish huquqiga ega.
11-modda
Boshqa qoidalarni qo‘llash
Agar istalgan Ahdlashuvchi Tomonning qonunchiligidagi qoidalar yoki hozirda mavjud bo‘lgan amaldagi xalqaro qonunchilik bilan bog‘liq bo‘lgan yoki Ahdlashuvchi Tomonlar o‘rtasida qo‘shimcha tarzida ushbu Bitimni to‘ldirish uchun kiritilgan majburiyatlar umumiy va maxsus qoidalardan iborat bo‘lsa, mazkur bitimga ko‘ra bir Ahdlashuvchi Tomon investorlari uchun yaratiladigan rejimdan ko‘ra yanada yaxshiroq rejim yaratish huquqini beradi, bunday Qoidalar o‘zining afzalliklari bilan ushbu Bitimdan ko‘ra ustun hisoblanadi.
12-modda
Bitimni qo‘llash
Ushbu Bitimning qoidalari mazkur Bitim qonuniy kuchga kirgan yoki u kuchga kirgunga qadar bo‘lgan davrda amalga oshirilgan investitsiyalarga nisbatan qo‘llanadi.