A burxanov, O. Sattorqulov, G‗. Berdiyev, D. Eshpulatov mintaqaviy iqtisodiyot darslik

Mavzuga oid qisqacha xulosalar 
1. Mintaqa - mamlakat yagona xalq xo‗jaligi majmuasining hududiy 
kichik tizimi hisoblanadi. U demografik, tabiiy-ekologik, ijtimoiy-iqtisodiy 
va texnik-iqtisodiy jarayonlarning ichki aloqasi va o‗zaro munosabati 
tufayli hosil bo‗lgan yaxlit birlikdir. 
2. Mintaqaviy iqtisodiyotning vazifasi – milliy iqtisodiyotning hududiy 
muammolarini o‗rganish va ushbu muammolarni hal qilish yo‗llari va 
mexanizmlarini aniqlashdir.
3. Mintaqalar rivojlanishidagi eng muhim vazifalardan biri - turli 
hududlar aholisining turmush darajasi bo‗yicha tafovutlarni bartaraf 
etishdan iborat. Ushbu vazifani bajarishda rivojlanish darajasi past bo‗lgan 
hududlarni rivojlantirish uchun maxsus davlat dasturlarini ishlab chiqish va 
amalga oshirish, tabiiy resurslarga boy mintaqalarda hududiy ishlab 
chiqarish mintaqalarini tashkil etish muhim ahamiyatga ega. 
4. Mintaqaviy iqtisodiyot ijtimoiy fan hisoblanadi. U muayyan 
hududdagi ijtimoiy-iqtisodiy jarayonlarni tadqiq etadi, ijtimoiy va iqtisodiy 
omillarni o‗rganadi. Mintaqaviy iqtisodiyotda ko‗pgina iqtisodiy omillarni 
(mehnat unumdorligi o‗sishi, milliy daromadni hududiy taqsimlash, renta 
munosabatlari, asosiy fondlarning tarkibi va samaradorligi, baho va 

---

18
tariflarning hududiy tafovutlari va h.k.) chuqur tahlil etiladi va shular 
asosida ushbu fan ishlab chiqarish kuchlarini joylashtirishning asosiy 
yo‗nalishlarini belgilaydi. 
Nazorat savollari 
1. Mintaqaviy iqtisodiyot fanining maqsadi va vazifalari nimalardan 
iborat? 
2. Mintaqaviy iqtisodiyot fanining shakllanish bosqichlarini bayon 
qiling? 
3. Mintaqa tushunchasiga ta‘rif bering? 
4. Mintaqaviy iqtisodiyot qanday ilmiy uslublardan foydalanadi? 
5. Ijtimoiy tadqiqot usullari qaysi vazifalarni bajaradi? 
6. Sotsiologik tadqiqot usullari qanday amalga oshiriladi? 
7. Harakatlar strategiyasiga muvofiq mamlakatimiz mintaqalarida 
ijtimoiy-iqtisodiy rivojlantirish yuzasidan qanday muhim vazifalar belgilab 
olingan? 

---

19