А. Авлоний номидаги Халқ таълими ходимлари қайта тайёрлаш ва малакасини ошириш Марказий институти Ж. Йўлдошев, Ф. Йўлдошева, Г. Йўлдошева

Индентификация тамойили. Ўқитишнинг анъанвий шаклига нисбатан ўқитишнинг масофавий шаклида ўқиш-ўқитиш ишларини қалбакилаштириш, ўзгалар ўқув фаолияти ва унинг натижаларини ўзиники қилиб кўрсатиш имкони кўп. Бунда негатив ҳолат ва ҳаракатларга йўл қўймаслик учун мазкур тамойил амал қилади. Масофадан тест, реферат ва бошқа назорат ишларини ўқувчининг айнан ўзи томонидан бажарилиши унинг бармоқ излари, товуши ёки кўз қорачиқлари бўйича турли техник воситалар ёрдамида индентификация қилиб борилади.

5. Ўқитишнинг регламентлик тамойили. Гарчи масофавий ўқитишда
ўқиш муддати умумий ҳолда қатъий равишда чегараланмаган бўлса ҳам,
масофадан ўқийдиган ўқувчилар тоифалари хусусиятларини ҳамда уларга
ўқишларида максимал қулайликни ҳисобга олиб, қабул қилинган ўқитиш
муддати амал қилади. Бу муддат доирасида ўқув жараёнининг барча жиҳат ва
тадбирларини кўзда тутувчи индивидуал характерга эга бўлган ўқув жараёни
жадвали жорий этилади.
6. Янги ахборот технологиялари воситаларини қўллашнинг педагогик жиҳатдан мақсадга мувофиқлик тамойили. Масофавий ўқитишни ташкил қилишда бу тамойилга амал қилиш муҳим ҳисобланади. Чунончи, масалан, Санкт-Петербург очиқ университетининг тажрибасига қараганда масофавий ўқитишда ўқитишнинг турли воситаларини қўллашнинг энг мақбул (оптимал) нисбатан қуйидагича эканлиги маълум бўлган: қоғозга печать қилинган материаллар – 40-50 %, WEP- серверлардаги материаллар – 30-35 %, компьютерли видеоконференцалоқалар – 10-15 %, бошқа воситалар — 5-20 %. Бинобарин, гарчи, янги ахборот технологиялари воситалари, жумладан, интернет жуда жозибали ва ўзига тортувчи дидактик хусусиятларга эга бўлсада, улар билан ортиқча қизиқиш ёки уларга ортиқча аҳамият бериш фетишлашишга, бу эса ўз навбатида қайсидир ўқитиш воситасини бошқа ҳаммасидан афзал кўришдек нотўғри тасаввур ва хулосага олиб келиши мумкин.
Албатта юқорида келтирилган нисбат абсолют эмас. Лекин у масофавий ўқитишда янги ахборот технологиялари воситаларини қўллашнинг замонавий педагогик технология жиҳатдан мақсадга мувофиқ нисбатига риоя қилиш кераклигига амалиёт натижаларидан келиб чиқиб қилинган ишорадир.