А. Авлоний номидаги Халқ таълими ходимлари қайта тайёрлаш ва малакасини ошириш Марказий институти Ж. Йўлдошев, Ф. Йўлдошева, Г. Йўлдошева

Инверция методи
Бу ижодий вазифаларни ечимини излаб топишга кутилмаган, янги ҳолатларда ғояларни ечимини топишга қаратилган. Бу метод муаммолар ечимига янгича ёндашиш, эски қолиплардаги фикрлашлардан ҳоли равишдаги инсонни талаб этади. Янгича шароитда мантиқий фикр юритиш. Янгича ечим топиш, муаммолар ечимини топишга, ғоялар туғилишига сабаб бўлади. Эскича фикр юритишлар муаммо ечимини берк кўчага олиб киради. Муаммо ўз ечимини топмайди. Анъанавий метод муаммонинг ечимини топиш вазиятдан чиқишда ташқи томондан қарашни тақозо қилади.
Инверция методи дуализм принципига ёки қонуниятига асосланади. Фикр юритишда қарши (тўғри ва тескари) томондан ёндашувни талаб этади. Тўғрироғи ижодий фикр юритишни.
Текширилаётган объектга анализ ва синтез, мантиқий ва интуитив, синтетик ва динамик характеристик томондан, объектга ички ва ташқи томондан ёндашувни талаб этади. Масала ечимига конкрет ёки абстракт, реал ва фантастик, ажратиб ёки бирлаштириб солиштириш орқали ечимлар топил ади. Айрим масалалар, муаммолар ечимида қуйидагича юқорига қараб ечим қидиришга тўғри келади.
Эмпотик метод
Эмпотия (грекча сўз бўлиб “empateia-қайғуриш) кўпинча шахсий аналог методи ҳам дейилади. Аналог усулининг ўзига хослиги шундаки бунда интуитив ва мантиқий фикрларнинг ўзаро учрашуви (тўқнашуви)да масала ўз ечимини топади. Аналог кенг маьнони ўз ичига олади. Аналоглар ўз навбатида бошқа аналогларни аниқлаши мумкин; улар шакл, структура, функция, жараёнларни ўз ичига олади.
Аналогларни аниқлашда ёки топишда айрим ҳолларда гиперболитик усул қўлланилади. Масалан, ўрганилаётган объектларни, мактабни катталаштириш, ёки кичиклаштириш, уларни қисмларга бўлиш мумкин. Ижодий вазифалар ечимини топишда шахсий аналогиялар анча қулай ва яхши натижалар беради. Унинг ечимида шахсий сезгирлик, ҳис-туйғулар жараён ечимини тезлаштиради. Демак, эмпотик метод ижодий фяолиятга суянади, ўрганилаётган объектга нисбатан шахсий қайғуриш, ижодий ёндашиш орқали муаммо ечимини топишга олиб келади. Айниқса бу метод шахси тассавурининг ривожланишига сабаб бўлади. Шу орқали ихтиро қилишга ёки айрим ҳолда ўзига хос оригинал ечимлар топишга олиб келади.