9-sinf jahon tarixi fanidan

Darsning texnologik xaritasi:
I.Tashkiliy qism 3 daqiqa
II.O’tgan mavzuni so’rash 9 daqiqa
III.Yangi mavzu bayoni 18 daqiqa
IV.Yangi mavzuni mustahkamlash 10 daqiqa
V.Dars yakuni 3 daqiqa
VI.Uyga vazifa berish 2 daqiqa
Darsning borishi:
I.Tashkiliy qism. O’quvchilar bilan salomlashish,davomadni aniqlash,darsga jalb qilish,sinfda ishchi muhitini yaratish, dunyoda va O`zbekistonda yuz bergan muhim yangiliklardan qisqacha xabarlar berish.
II.O’tgan mavzuni so’rash
V asr oxiridan XV asr oxirigacha bo’lgan davr qanday tarixiy davr hisoblanadi?
2. Insoniyat tarixini kimlar qadimgi, o’rta va yangi kabi davrlarga bo’lib o’rganishni takif qilganlar?
3. Yevropada qachon iqlim soviy boshlagan?
4.German qabilalarining asosiy mashg’ulotlari nima edi?
5.Germanlarning eng katta qabilalari qaysilar?
6. Franklar gotlar va langobardlardan nimasi bilan farq qilgan?
7. Franklar davlatining asoschisi kim?
8. ”Sali haqiqati” nima?
9. Poytaxtsiz qirol kim?
10. Franklar imperiyasi qachon tashkil topdi?
11. feod qaysi tildan olingan, qanday ma’noni boildiradi?
12. Buyuk Karl imperiyasi 843- yilda qanday davlatlarga bo’linib ketdi?
13. Genrix I vengerlar bilan tuzilgan 9 yillik sulhdan nimalar qilishda foydalanadi?
14. Muqaddas Rim imperiyasi nechanchi yillarda yashagan?
15. ”dunyo mo’jizasi” kim?
16. Buyuk Alfred davrida yozilgan yilma-yil tarixiy voqealar to’plami nima geb nomlanadi?
17. Osiyo va Yevropani bog’laydiga ”oltin ko’prik” qaysi shahar?
18. Vizantuya oltin puli nima deb ataladi?
III.Yangi mavzu bayoni:
Slavyan xalqlari haqida. Markaziy va Sharqiy Yev­ropada qadimdan slavyan qabilalari yashab kelganlar. Ular yashagan hududlar Boltiq dengizidan Qora dengizgacha bo’lgan ulkan maydonni egallagan. VII asrda slavyan xalqlari g’arbiy, janubiy va sharqiy slavyanlarga bo’linib ketganlar. Chexlar, polyaklar va slovaklar g’arbiy slavyanlarni; bolgarlar, serblar va xorvatlar janubiy slavyanlarni; ruslar, ukrainlar va beloruslar esa sharqiy slavyanlarni tashkil etganlar. Sharqiy slavyanlarda IX asrgacha davlat bo’lmagan. Bungacha ular urug’chilik tuzumida yashaganlar. Yer qishloq yoki urug’chilik jamoasining mulki bo’lgan. Qabila hayotiga tegishli masalalar vecheda ko’rib chiqilgan.