8 – mavzu. Texnologik jarayonlarni boshqarishning prinsipi va strukturasi Loyiha hujjatlari haqida umumiy ma’lumot Avtomatik boshqaruv va texnologik nazorat sxemalari

-funksionalli — texnologik jarayonlarni avtomatik boshqarish, nazorat qilish, signallashtirish va rostlashni alohida tugunlarining funksional-blokli tuzilishini aks ettiradi va boshqarish obyektini asbob va avtomatlashtirish vositalari bilan ta’minlashni aniqlaydi;

— prinsipialli - avtomatlashtirish tuguniga kiruvchi alohida elementlarni, modullarni, yordamchi apparatlar va ular orasidagi bog’lanishlarni aniqlab beruvchi va sxemaning umumiy tarkibi, uning ishlash prinsipi haqida batafsil ma’lumot beradi. Prinsipial sxemalar asosida elektrik va quvursimon simlarning tashqi ulanishi, shchitlarning yig’uvchi sxemalari va avtomatlashtirish pultlarining

umum iy ko'rinishini ishlab chiqaradi;

— montajli - moslamalar komplekti (shchitlar, pultlar va boshqalar) orasidagi quvurli va elektrik aloqalarni hamda ularni ulanish joyi va kiritilishini (kommutatsion zajimlarni yig’ish, shtepsel razyomlari, quvurli o’tkazgichlar uchun saralab ulash va boshqalar) ko’rsatib beradi;

— ulanish — bir tomondan o’lchovchi moslamalar va birlamchi ma’lumot olish vositalari orasidagi quvurga oid va tashqi elektrik aloqalarini ko’rsatadi va boshqa tomondan shchitlar va avtom atlashtirish pultlari orasidagi bog’lanishlari ko’rsatadi. Shuningdek, ulanish sxemalarida yordamchi elementlar (fitinglar, o’tuvchi va qo’shuvchi korobkalar) va kerakli paytda kuchli oqim o'tkazadigan elektr qurilmalar shkaflari ko’rsatiladi.

Avtomatlashtirish sxemalari qoidaga asosan masshtabga rioya qilmagan holda bajariladi. Montaj sxemalarida montaj buyumlari va alohida avtomatlashtirish vositalarining fazoda haqiqiy joylanishiga rioya qilinadi.