6-mavzu: qishloq xo’jaligi infratuzilmasining turlari va ahamiyati

Bunday axborotlar shuningdek, ko‘p hollarda korxona faoliyatini reklama qilish va bozordagi imidjini oshirishga xizmat qiladi. Biznes-reja va uning bo‘limlari hayotiyligini ta’minlash maqsadida boshqaruv tizimi – menejmentni marketing bilan bog’lashi muhim. Ular u yoki bu darajada tashkiliy reja bilan bog’liq bo‘lib, korxonaning ishlab chiqarish muvaffaqiyati va kutilayotgan foyda darajasiga erishishiga xizmat qiladi.

Yangi tashkil etilayotgan korxona uchun yuqorida aytib o‘tilgan vazifalardan tashqari biznes miqyosiga mos keluvchi tashkiliy tuzilmani shakllantirish muhim ahamiyat kasb etadi. Uni tavsiflab berishda odatda quyidagi masalalar yoritiladi:

• asosiy boshqaruv lavozimlari va boshqaruv xodimlarining umumiy soni;

• boshqaruv tizimining iyerarxiya bosqichlari soni;

• u yoki bu lavozimlarga mutaxassislar rezyumesini to‘plash va boshqaruv komandasini shakllantirish;

• boshqaruv komandasi a’zolari o‘rtasida rollarni taqsimlash va har bir komanda a’zosining funksiyalarini belgilab olish;

• boshqaruv komandasining har bir a’zosi uchun oylik ish haqi miqdorini belgilash;

• boshqaruv komandasi a’zolarini yollash shartlari.

Boshqaruv jamoasini tuzish og‘ir va murakkab ish hisoblanadi. Bunda quyidagi tamoyillarga rioya qilish zarur:

• jamoa a’zolarining psixologik jihatdan bir-biriga mos kelishini ta’minlash;

• jamoaning yagona organizm kabi faoliyat ko‘rsatishini ta’minlash;

• har bir jamoa a’zosi jamoa oldiga qo‘yilgan maqsadni to‘liq tushuna olishi lozim;

• jamoa a’zosi o‘z malakasini muntazam oshirib borishi kerak;

• qonuniy asosda korxona nufuzini oshirish va foydasini o‘stirish uchun barcha zarur ishlarni amalga oshirish.

Tashkiliy tuzilmaning asosiy tavsifi quyidagilardan kelib chiqadi:

- boshqarish funksiyalari bo‘yicha boshqaruv xodimlari soni;

- chiziqli boshqaruv xodimlari soni;

- korxona boshqaruv tizimining bo‘ysunish pog’onalari soni;