6-mavzu: qishloq xo’jaligi infratuzilmasining turlari va ahamiyati

Tashkiliy chalkashliklar sababli ko‘p hollarda eng umidli loyihalarning ham barbod bo‘lishi mumkinligi tufayli bunday axborot marketing, moliya va ishlab chiqarishni boshqarishga qodir bo‘lgan boshqaruv jamoasini ham ko‘rish istagida bo‘lgan investorlarni ham qiziqtiradi.

Biznes rejaning ushbu bo‘limi korxonaning tashkiliy tuzilmasi qanday shakllanishi va uning kadrlar bilan ta’minlanishini, shuningdek, mutaxassislarni jalb qilishda ularni doimiy yoki vaqtinchalik ishga oladimi, ishga yollash bilan o‘zi shug‘ullanadimi yoki ixtisoslashgan tashkilotlar xizmatlaridan foydalanadimi kabi savollarni yoritishi lozim.

Aytish mumkinki, tashkiliy rejani ishlab chiqish biznes-rejaning boshqa bo‘limlaridan avval ishlab chiqilishi zarur. Gap shundaki har qanday ishning muvaffaqiyatga erishuvini investitsiyalar, moliyaviy, moddiy va boshqa resurslardan tashqari, birinchi navbatda mutaxassislar, o‘z kasbining ustalari belgilab beradi.

Biznes sohasida bitta mutaxassisning aql-idroki va topqirligi bir guruh odamlarga qaraganda ko‘proq foyda keltirishi mumkin, korxona tuzilmasidagi qo‘shimcha birlik esa hali mos keluvchi muvaffaqiyatni anglatmaydi, uning uchun ulkan istiqbollarni kafolatlamaydi. Shuning uchun ham mazkur bo‘limni tayyorlashda ishlab chiqarish rejasini asoslab berish, korxona quvvatlarini hisob-kitob qilish, zarur moddiy va boshqa resurslarni aniqlashdagi kabi katta mahorat va malaka talab qilinadi.

Tashkiliy reja - bu o‘z mohiyatiga ko‘ra biznes-rejani amalga oshirish bo‘yicha xatti-harakatlar dasturi bo‘lib, unda quyidagilar o‘z aksini topishi lozim:

• korxona boshqaruvining tashkiliy tuzilmasiga qo‘yiluvchi talablar;

• menejmentga qo‘yiluvchi talablar;

• ishlab chiqarishni joylashtirish va foyda markazlari;

• kadrlar siyosati va uni amalga oshirish yo‘nalishlari;

• homiylik va xayriya-vasiylik faoliyati.

Ushbu bo‘limning aniq va mukammal to‘ldirilishi korxona turi va mulkchilik shakliga bog’liq bo‘ladi. Agar gap hissadorlik jamiyati haqida borayotgan bo‘lsa, bu holda direktorlar kengashi, asosiy rahbarlarning vazifalari aks ettirilishi, aksiyadorlik kapitalining aksiyadorlar o‘rtasida qay tariqa taqsimlanishi belgilab olinishi lozim.