6-Mavzu: Mintaqalarda sanoat tarmog’ini rivojlanish xususiyatlari

11-jadval
O’zbekistonning YaIM tarkibida sanoatning ulushi (foiz hisobida)¹

Tarmoq/yil	2000	2005	2010	2011	2012	2013	2014	2018	2030^22
Iqtisodiyot jami	100	100	100	100	100	100	100	100	100
Sanoat	14,2	20,7	24,0	24,0	24,0	24,2	24,1	33,5	40

O’zbekiston sanoatining bazaviy tarmoqlari - neft-gaz, oltin qazib chiqarish, rangli metallurgiya, kimyo va neft-kimyo sanoatining jadal rivojlanishi makroiqtisodiy barqarorlikni mustahkamlashga xizmat qildi. Natijada O’zbekiston sanoatining tarmoq tuzilmasida sezilarli sifat o’zgarishlari ro’y berdi. Xususan, iqtisodiy o’sishning lokomotivi hisoblangan sanoatning ulushi muntazam ortib bormoqda. “Iqtisodiyotdagi tizimli o’zgarishlar natijasida yalpi ichki mahsulot tarkibida sanoatning ulushi joriy yilda 35 foizdan 37 foizga ortishi kutilmoqda”².
Avtomobilsozlik, shu jumladan, dvigatel hamda ehtiyot qismlar ishlab chiqarish, zamonaviy qishloq xo’jaligi mashinasozligi, qurilish materiallari sanoati, maishiy elektronika asmavzulari ishlab chiqarish, farmatsevtika va mikrobiologiya, oziq-ovqat, to’qimachilik, charm-poyabzal sanoatida mutlaqo yangi tarmoqlarning yo’lga qo’yilishiga zamin yaratdi.
Mamlakat sanoat ishlab chiqarishidan samarali foydalanish va ishlab chiqarish kuchlarini oqilona tashkil etish maqsadida sanoatning o’zaro bog’liq tarmoqlari majmua tarzida rivojlantirishga alohida e’tibor qaratilgan.
Sanoat taraqqiyotida yoqilg’i-energetika majmuasi gaz, neft qazish va ularni qayta ishlash, ko’mir qazish va elektr quvvati ishlab chiqarishdan iborat bo’lib, uning mamlakat sanoat ishlab chiqarishidagi xissasi 26,8 foiz. O’zbekiston jahondagi 10 ta yirik gaz ishlab chiqaruvchi mamlakatlar jumlasiga kiradi.