6 Маъруза Yarimo‘tkazgichlar va dielektriklarda kinetik xodisalar. Galvanomagnetik, termoelektrik va termomagnetik samaralar. Xoll samarasi

4 – расм. Термозонд. С – қиздирилган стержен, Н – яримўтказгич намунаси, М – совуқ металл пластинка. Кучланиш ишораси мусбат зарралар учун кўрсатилган.

Нернст – Эттингсгаузен эффекти

  Температура градиентига эга бўлган яримўтказгич магнит майдонига жойлаштирилганида турли термомагнит эффектлар юзага келади. Улар ичида энг қизиғи Нернст–Эттингсгаузеннинг кўндаланг эффекти бўлиб, Y ва B ларга перпендикуляр йўналишда, яъни вектори йўналишида E электр майдонинг пайдо бўлишидан иборатдир. Агар температура градиенти X ўқи бўйлаб, магнит индукция вектори Z ўқи бўйлаб йўналган бўлса, у ҳолда электр майдони Y ўқига параллел равишда пайдо бўлади. Шунинг учун кўндаланг a ва b зондлар орасида u электр потенциаллари фарқи юзага келади (5–расм). Ey нинг катталигини қуйидаги формула орқали ифодалаш мумкин:

(23)

Бу ерда q - Нернст–Эттингсгаузен коэффициенти бўлиб, у яримўтказгич хоссаларига боғлиқ равишда мусбат ёки манфий бўлиши мумкин.

Нернст–Эттингсгаузен эффектининг катталиги ҳақида тасаввурларга эга бўлиш учун мисол тариқасида солиштирма электр қаршилиги  1 Омсм бўлган германий учун унинг катталиги хона температурасида, B  103 Гс ва dT/dx  102 град/см бўлганда Ey  10-2 В/см атрофида бўлади. q нинг ва демак Ey нинг ҳам қиймати намуна температураси ва магнит майдони кучланганлигига боғлиқ бўлиб бу катталикларнинг ўзгаришлари туфайли улар ҳатто ишораларини ҳам ўзгартиришлари мумкин.

Қаралаётган эффект Холл эффектини юзага келтирган сабаб, яъни зарядли зарралар оқимининг Лоренц кучи таъсирида оғиши туфайли пайдо бўлади. Уларнинг фарқи шундаги Холл эффектида зарраларнинг йўналтирилган оқими уларнинг электр майдонидаги дрейфи туфайли юзага келган бўлса, қаралаётган бу ҳолда улар диффузия натижасида юзага келади.