6-боб липидлaр aлмaшинуви

Сфинголипидлар. 18 углерод атомига эга аминоспирт сфингозин гидрокси ва аминогуруҳларни сақлайди. Сфингозин липидларнинг катта гуруҳини ташкил қилади, уларда ёғ кислота аминогуруҳ орқали боғланган. Сфингозин ва ёғ кислота боғланишидан ҳосил бўлган модда “церамид” деб номланади:

Церамидларда ёғ кислота амид боғи билан боғланган, гидроксил гуруҳлар эса бошқа радикаллар билан боғланиши мумкин. Церамидлар улар таркибига кирувчи ёғ кислота радикаллари билан фарқланадилар. Одатда улар 18 дан 26 гача углерод атомини сақлаган узун занжирли ёғ кислоталаридир.
Сфингомиелинлар. Церамид молекуласидаги ОН-гуруҳига холин билан боғланган фосфат кислота бирикиши натижасида сфингомиелин ҳосил бўлади. Сфингомиелинлар — миелин ва мия ҳужайралари, нерв тўқимаси асосий компонентларидир. Сфингомиелинлар гли­церофосфолипидлар каби амфифил хусусиятларга эга, у бир томондан ёғ кислота радикали ва сфингозиннинг алифатик занжирига боғлиқ бўлса, иккинчи томондан фосфорилхолин поляр қисмига боғлиқ.
Гликолипидлар. Церамидлар — липидларнинг асосий гуруҳи бўлган гликолипиддир. Церамид гидроксил гуруҳидаги водород турли углевод фрагментлари билан алмашиниши мумкин, бу гликолипиднинг маълум бир синфга тегишлилигини белгилайди. Гликолипидлар асосан нерв тўқимаси ҳужайралари мембранасида жойлашади. Уларнинг «цереброзидлар» ва «ганглиозидлар» деб номланиши қайси тўқимадан биринчи маротаба ажратилганига боғлиқ бўлади.
Цереброзидлар. Цереброзидлар таркибида моносахаридлар сақлайди. Таркибида галактоза сақловчи цереброзидлар кўп тарқалган (галактоцереброзид), глюкоза сақловчилар (глюкоцереброзид) кам тарқалган. Цереброзидлар кам учрайдиган ёғ кислоталарни сақлайдилар, масалан, галакто­цереброзид френозин цереброн кислотасини сақлайди, унинг таркибида 24 углерод атомини сақловчи 2-гидроксикислота бор.

Цереброзид

Ганглиозид
Глобозидлар. Глобозидлар цереброзидлардан ўзининг таркибида церамид билан боғланган бир неча углевод қолдиқлари борлиги билан фарқланади: