6- мавзу. Миллий ғоя Ўзбекистон демократик тараққиётининг муҳим омили

10.Қачон Ўзбекистонда “Халқ билан мулоқот ва инсон манфаатлари йили” деб эълон қилинган?
10. Президентимиз Шавкат Миромонович Мирзиёев Ўзбекистон Республикаси Конституцияси қабул қилинганлигининг 24 йиллигига бағишланган тантанали йиғилишда 2017 йилни юртимизда “Халқ билан мулоқот ва инсон манфаатлари йили” деб эълон қилдилар. Шу билан биргаликда Президент ўз маърузасида “Халқ билан мулоқот ва инсон манфаатлари йили”нинг мақсади ва вазифаларига тўхталиб, давлат органларининг фуқаролар билан ўзаро муносабатлари юзасидан ёндашувни тубдан қайта кўриб чиқиш зарурлигини ва бу борада аҳоли билан доимий мулоқот қилиш, уларни қийнаётган муаммоларни ҳал этишнинг янги механизмлари ва самарали усулларини жорий этиш юзасидан бажарилиши зарур бўлган муҳим масалалар тўғрисида гапириб ўтди.
Президент Шавкат Мирзиёев бу йилда давлат бошқарув идоралари олдига қўйиладиган энг муҳим вазифаларга тўхталиб, “Биз аҳоли энг кўп мурожаат қиладиган давлат идоралари фаолиятида одамлар билан ишлаш бўйича сифат жиҳатидан мутлақо янги тизимга ўтиш ҳақидаги ўйлаяпмиз. Хусусан, 2017 йилдан бошлаб барча даражадаги ҳокимлар, прокуратура ва ички ишлар органлари раҳбарларининг аҳоли олдида ҳисобот бериш тизими жорий этилади”, -деб таъкидлади.
2017 йилни Ўзбекистонда “Халқ билан мулоқот ва инсон манфаатлари йили” деб эълон қилиниши Ўзбекистон Республикаси Президентининг 
2016 йил 5 октябрда қабул қилинган “Тадбиркорлик фаолиятининг жадал ривожланишини таъминлашга, хусусий мулкни ҳар томонлама ҳимоя қилишга ва ишбилармонлик муҳитини сифат жиҳатидан яхшилашга доир қўшимча чора-тадбирлар тўғрисида”ги ва 2016 йил 21 октябрда қабул қилинган “Суд-хуқуқ тизимини янада ислоҳ қилиш, фуқароларнинг хуқуқ ва эркинликларини ишончли ҳимоя қилиш кафолатларини кучайтириш чора-тадбирлари тўғрисида”ги Фармонларида илгари сурилган муҳим тадбирларнинг мантиқий давоми бўлди.
Суд-хуқуқ тизимини янада демократлаштириш ва эркинлаштириш, суд, хуқуқни муҳофаза қилувчи ва назорат органлари фаолияти самарадорлигини ошириш, аҳолининг одил судловга бўлган ишончини ошириш, жамиятда қонун устиворлигини таъминлаш ва қонунийликни мустаҳкамлашга қаратилган Фармонда –“фуқароларнинг хуқуқлари, эркинликлари ва қонуний манфаатларига тажовуз қилиш ҳолатлари юзасидан зудлик билан зарур чоралар кўриш, жисмоний ва юридик шахсларнинг мурожаатларини ўз вақтида ҳал этиш, мурожаатларни кўриб чиқишда сансалорлик ва бефарқ муносабатда бўлиш ҳолатларига йўл қўймаслик учун жиноий жавобгарликгача бўлган жавобгарликнинг муқаррарлигини таъминлаш, шунингдек, бузилган хуқуқларни тиклаш бўйича барча зарур чораларни кўриш”, - яқин келажакдаги Давлат сиёсатининг асосий устивор йўналишларини амалга ошириш бўйича суд, хуқуқни муҳофаза қилувчи ва назорат органларининг муҳим вазифалари сифатида белгиланди.
Ўзбекистон Республикаси Президентининг Фармонлари талабларини бажариш ва аҳолининг хуқуқ ва эркинликларини ҳимоя қилиш борасида берган кўрсатмалари асосида ҳозирги кунда республикамизнинг ҳар бир туман ва шаҳарларида “Халқ қабулхоналари” ташкил этилди ва фаолият олиб бормоқда. Минглаб инсонларнинг, айниқса кекса ёшдаги қарияларнинг йиллар мобайнида ҳал этилмай келаётган муаммолари ҳал қилинмоқда. Фуқароларнинг қонуний талабларини бажармаган ва уларнинг хуқуқларини поймол қилган мансабдор шахсларга нисбатан қонунда белгиланган чоралар кўрилмоқда. Энг асосийси мамлакатимизнинг барча аҳолиси Ўзбекистон Республикаси Президенти томонидан 2017 йилни Республикамизда “Халқ билан мулоқот ва инсон манфаатлари йили” деб эълон қилинганлигидан чексиз қувонмоқдалар ва Президентимизга ўз миннатдорчилигини билдирмоқдалар.

1

1^ Каримов И. Бизнинг бош мақсадимиз – жамиятни демократлаштириш ва янгилаш, мамлакатни модернизация ва ислоҳ этишдир. –Т.: “Ўзбекистон”, 2005. –Б.36.

1¹ Каримов И. Миллий истиқлол мафкураси – халқ эътиқоди ва буюк келажакка ишончдир. Озод ва обод ватан, эркин ва фаровон ҳаёт-пировард мақсадимиз. Т.8. -Т. :Ўзбекистон, 2000. –Б. 494.

1¹ Ўзбекистон Республикаси Конституцияси –Т.: Ўзбекистон, 2014. –Б.5.