5-мавзу. Корхонанинг инновацион стратегияси ва инновацион салоҳияти. Режа

Инвестицион ўсиш стратегияси корхонанинг бизнес барқарорлигини сақлаб қолган ҳолда ўзининг ресурслари ёки четдан жалб қилинган ресурслар ҳисобига унинг ривож топишини англатади. Ўсишнинг чекланиши молиявий ишлаб чиқариш, технологик, бошқарув ва бошқа омиллар туфайли рўй беради.
Инвестицион ўсиш стратегияси корхонанинг бирлашиши ва инвесторларни жалб қилиниши натижасида таъминланади. Четдан инвесторларни жалб қилиш корхона учун қуйидаги учта ҳолатда долзарб ҳисобланади.
1. Ресурслар чекланган шароитда технологик инновация ва корхонанинг ўзи ишлаб чиққан илмий-техник ишланмалар мавжуд бўлса. Бу тез ривожланишни таъминлаш, малакали маслахат олиш, инжиринг хизматларидан фойдаланиш, ҳамда кенг миқёсда жаҳон стандартлари талабига жавоб берадиган технологиядан фойдаланиш имконини беради.
2. Қачон корхона менежменти тегишли ривожланиш босқичида малакали даражага эришган бўлса, ҳамда келажакда ишлаб чиқариш, технологик ва бошқарув тажрибаси барқарор ўсишни таъминласа.
3. Кучли шерик корхона бизнесини ҳимоя қилиш кафолатини берса.
Кучли рақобат босими шароитида, ютиладиган объектлар йўқ бўлса ва бошқа стратегик ўсишнинг самараси паст бўлса, энг қўлай йўл тахминан бир хил иштирокчиларнинг хамкорлик фаолияти рақобат афзалликларини таъминлайди.
Корхоналарнинг бирлашиши рақобатбардошликни кучайтириш шаклининг “арзон” йўналишларидан биридир. Одатда бирлашиш иқтисодий ўсиш давомида юзага келади. Паст баҳода корхона бирлашмалари амалда ўз фаолиятини сақлаб қолиш шарти ҳисобланади. Бирлашиш корхона учун нафақат йирик корхоналар билан рақобат афзаллигини сақлаб қолиш балки кичик товар ишлаб чиқарувчилар фаоллигини ошириш учун ҳам зарурдир. Маълумки йирик компаниялар учун ишлаб чиқариш объектларини назорат қилиш, маҳсулотларни сотиш, қайта ишлаш осон бўлади. Ушбу ҳолат корхона бирлашмаларига ҳам тегишлидир.
Вазиятнинг омадли оқими, стратегик альянс доирасида корхоналар кооперацияси туфайли уларнинг ўзаро қўшилиши синергетив самарага олиб келиши мумкин. Натижада корхоналар бирлашиши натижасида яратилган қиймат, алоҳида олинган корхона эришган қийматга нисбатан юқоридир.
Синергиянинг манбаи қуйидагилар бўлиши мумкин: фойдаланилган заҳиралар, ҳажми, жорий этилган инновацион самарадорлик билан боғлиқ ишлаб чиқариш ҳажми, харажатларнинг ҳамда солиқ юкининг камайиши, баҳонинг тушиши ва капитал қийматининг пасайиши.