5 мавзу. “Буйрак ва сийдик йўллари касалликларида ҳамшира парвариши”

Сурункали гломерулонефрит.
Сурункали гломерулонефрит буйрак коптокчалари, найчалари ва оралиқ тўқимасининг сурункали яллиғланишидир.
Сабаби. Ўткир гломерулонефрит, совуқотиш, стрептококкли инфекциядан сўнг, ангина, тонзилит, юқори нафас йўллари инфекцияси, терининг стрептококкли яралари, септик эндокардит, эпидемик паротит, отит, тиф, захм, пневмания, ўпка сили касалликларидан келиб чиқиши мумкин. Бундан ташқари нефротоксик дорилар таъсиридан, коллагенозлар, гемаррагик васкулит, овқат аллергенлари, жароҳатлар ҳам сабаб бўлади.
Клиникаси. Клиник кечишида 5ҳил тури бор.

1. 
   Латент.
   
2. 
   Гематурик.
   
3. 
   Гипертоник.
   
4. 
   Нефротик (шишли).
   
5. 
   Аралаш.
   

Умумий клиник симптомлар: иситма, бел ва қовуқ соҳасидаги оғриқ, сийиш камайиши, кўнгил айнаш, баъзан қусиш, бош оғриғи, қон босимининг ошиши, юракнинг тез уриши, нафас қисиши, иштаҳа пасайиши, қалтираш, танадаги оғриқ ва шиш, дармонсизлик сийдикдаги ўзгариш. Пастернацкий белгиси мусбат бўлади( бел соҳасига енгил уриш билан аниқланади.).
Объектив текширганимизда сийдик тўқ қизил хира рангда бўлади, танадаги шишни кўрамиз, айниқса юз ва қовоқ соҳасида кўп бўлади. Юрак чегаралари кенгаяди, кўпинча систолик шовқин эшитилади.
Ташҳис қўйишда УТТ, сканерлаш, урография, пиелография, умумий қон таҳлили ва умумий сийдик таҳлили текширувлари ёрдам беради.УТТда тошнинг хажми, ўлчамлари ва таркибини билиш мумкин.
Умумий қон таҳлилида гемоглабин камаяди, лейкоцитлар ва ЭЧТ ошади, умумий сийдик таҳлилида кўп миқдорда оқсил пайдо бўлади, лейкоцитлар, эритроцитлар ва эпителиал хужайралар кўпаяди.
Давоси ва парвариши. Парҳез, антибактериал терапия, уросептиклар, витаминлар, иммунитет оширувчилар, симптоматик даво, спазмалитиклар, гормонлар, антиаллергик дорилар, қон босимини нормаллаштирувчи дорилар, диуретиклар,антикаогулантлар ва антиагрегантлар буюрилади. Беморларни тўлиқ кузатув қилиб даволдаш ва сабабини ҳам даволаш лозим.