5-amaliy mashg’ulot

 

---

3.3 Yangi mavzuni o’rganish darsi 
 
Mazkur dars turi to’la yangi mavzuni o’tishga bag’ishlanadi. Shuning uchun 
unda uyga berilgan vazifani tekshirish va baholash qismi bo’lmaydi. Mazkur dars 
quyidagi hollarda qo’llaniladi: 
‐ darsni hajmi katta bo’lgan taqdirda; 
‐ dars murakkab bo’lgan taqdirda.
Mazkur darsda bilimlar chuqur va har tomonlama ochib beriladi. Mazkur darslar 
uchun mavzuni o’qituvchi oldindan tanlab oladi va unga tegishli o’quv vositalarini 
tayyorlaydi.
Ushbu darslarda asosiy o’qitish metodi bo’lib tushuntirish hisoblanadi. Bunda 
o’qituvchi sinf doskasidan, kartalardan, chizmalardan, rasm va jadvallardan hamda 
qo’shimcha adabiyotlardan foydalanishi lozim. O’tilgan mavzuni mustahkamlash 
maqsadida o’quvchilarga qator topshiriqlar berish mumkin. Bunda ular olgan 
bilimlarni amalda qo’llashadi yoki bo’lmasa bir necha vazifalarni bajarishni 
topshiriq sifatida berish mumkin. Bu esa yangi materiallarni o’zlashtirishni 
osonlashtiradi. Masalan, dunyo siyosty kartasini o’rganayotganda tarixiy va siyosiy 
kartadan foydalanib quyidagi vazifalarni o’quvchilarga topshirish mumkin: 
‐XX asrning boshigacha dunyoda qanday yirik davlatlar bor edi; 
‐XX asrning boshlarida Afrikada qanday mustaqil davlatlar mavjud edi; 
‐birinchi jahon urushidan so’ng jahon siyosiy kartasidan qanday davlatlar davlat 
sifatida yo’q bo’ldi; 
‐ikkinchi jahon urushidan so’ng qanday mustaqil davlatlar vujudga keldi; 
-XX asrning oxirida qaysi davlatlar parchalanib ketdi va qanday yangi davlatlar 
paydo bo’ldi va h.k.
Yangi mavzuni o’rganish darsi quyidagi tarkibiy qismlardan iborat: darsni 
maqsadini aniqlash; yangi mavzuni tushuntirish davomida o’quvchilarni bilish 
faoliyatini tashkil qilishi lozim; mavzuni alohida mantiqiy qismlari bo’yicha 
umulashtirish va mustahkamlash; o’zlashtirilgan bilim va ko’nikmalarni amalda 
qo’llash bo’yicha o’quvchilarga topshiriqlar berish; uyga vazifa berish. 

---