5-amaliy mashg’ulot

O’quvchilar bilimlarini tekshirish va hisobga olish darslari. 
Yirik 
mavzularni o’rganib bo’lgandan so’ng mazkur darslar o’tkaziladi. Bunday darslar 
quyidagi tarkibiy qismlardan iborat: dars maqsadi va vazifasini qo’yish; bilimlarni 
tekshirish va hisobga olishni shakllari va usullari haqida o’quvchilarga ma’lumotlar 
yoki ko’rsatmalar berish; baholash mezonlarini e’lon qilish.
Mazkur darslarni quyidagi mavzularni o’rganib bo’lgandan so’ng uyushtirish 
mumkin: Yer qobiqlari (5‐sinf); har bir materik tabiiy sharoiti; har bir minitaqaning 
iqtisodiy geografik sharoiti va h.k. 

---

V BOB. AMALIY GEOGRAFIYADA SLAYDLI TAQDIMOTLARNI 
ISHLAB CHIQISH XUSUSIYATLARI VA INTERFAOL TA’LIM 
TEXNOLOGIYALARI 
O’zbekiston Respublikasi birinchi Prezidenti I.A.Karimovning “Malakali 
pedagog kadrlar tayyorlash hamda o’rta maxsus, kasb‐hunar ta’limi muassasalarini 
shunday kadrlar bilan ta’minlash tizimini yanada takomillashtirishga oid chora-
tadbirlar to’g’risida”gi qarorida o’quv mashg’ulotlarida axborot‐kommunikatsiya 
texnologiyalari, electron ta’lim resurslari va multimedia taqdimotlaridan, shu 
jumladan MS Power Point dasturida yaratilgan taqdimotlardan foydalanish kerakligi 
ta’kidlanilgan. Shuning munosabati bilan slaydli taqdimotni ishlab chiqish 
pedagogik texnologiyasi muhim ahamiyatga ega bo’ladi. 
Slayd taqdimoti usuli – 
materiallarni og’zaki, slaydlarni namoyish etish bilan 
bayoni. Slaydlardan foydalanish katta axborot sig’imini nazarda tutmaydi. Slaydda 
keltirilgan axborotlar tarkiblashtirilgan bo’lishi kerak va vizuallashtirish qoidalari 
asosida ishlab chiqilgan bo’lishi kerak. 
Vizuallashtirish qoidalari 
Shrift: 
-Katta va qalin shrift bilan yozing. 
-Imkon sari, faqat tayanch so’zlar yoki qisqa tezislar yozing. 
-Tushunarli qilib yozing. 
-Har xil qalinligidagi shtrixlardan va har xil o’lchamidagi shriftlardan foydalaning. 
-Tuzilmaga 
keltirilganda 
tagiga 
chizish 
yordam 
beradi.