5-amaliy mashg’ulot

O’qitish metodini tanlash. 
O’qitish metodlarini tanlash darsni maqsadi va o’quv 
materiallari mazmuniga bog’liq. O’qitish metodini tanlash o’rganiladigan mavzuni 
mazkur kursda tutgan o’rniga bog’liq. Ma’lum bir kursni o’rgangan sari 
o’quvchilarni bilimlari ortib boradi, shundan so’ng reproduktiv usulni qo’llash 
mumkin. Bundan tashqari ijodiy usullarni ham qo’llash mumkin. Masalan, 
O’zbekiston tabiiy geografiyasini ikkinchi regional qismini o’quvchilar kartalar 
yordamida mustaqil o’rganishlari mumkin. Xuddi shunday ishlarni o’quvchilar 
jahonnning iqtisodiy va ijtimoiy geografiyasini alohida davlatga bag’ishlangan 
qismini o’rganishda ham amalga oshirishlari mumkin. O’qitish metodlarini 
tanlashda o’quvchilarni yoshlari ham hisobga olinmog’i lozim. Quyi sinf 
o’quvchilari uzoq vaqt diqqat bilan eshita olishmaydi, tez toliqishadi va zerikishadi. 

---

Shuning uchun quyi sinflarda o’qituvchi o’qitish metodlarini tez‐tez o’zgartirib 
turishi zarur. Bunda o’yinlardan foydalanish katta samara beradi, chunki bunday 
sharoitda o’quvchilar toliqmaydi va kerakli bilim va ko’nikmalarni tez 
o’zlashtiradilar. 
Dars uchun o’quv vositalarini tanlash 
ham muhim ishlardan hisoblanadi. 
O’quv vositalarini tanlash o’qituvchi uchun uncha murakkab bo’lmagan ish 
hisoblanadi, chunki dasturda har bir mavzu bo’yicha zarur bo’lgan o’quv 
vositalarining turlari berilgan bo’ladi. O’qituvchini vazifasi ulardan darsning qaysi 
qismida va qanday foydalanishni aniqlash hisoblanadi. O’quv vositalari bo’yicha 
savollar va topshiriqlar ishlab chiqiladi. Bu esa o’quvchilarni bilim va 
ko’nikmalarini egallashlarini osonlashtiradi. O’quv vositalarini tanlaganda 
quyidagilarni hisobga olish zarur: 
‐ o’quv vositalari darsni mazmuniga mos bo’lishi lozim; 
‐ o’quv vositalari tanlangan o’quv metodi mazmunini to’ldirishi zarur; 
‐ o’quv vositalari o’quvchilarni yoshiga va qobiliyatlariga mos tushishi lozim; 
‐ o’quv vositlari amaliy va mustaqil ishlarni olib borish uchun imkon yaratishi lozim; 
‐o’quv vositalari o’quvchilarni bilim va ko’nikmalarini egallashlarini osonlashtirishi 
lozim.