4. yopqichli trikotaj to’qimalari reja

Yopqichli trikotaj olish usullari va zarur shartlari
Yopqichli to’qima ishlab chiqarish asosiy qoidalari. Yopqichli halqa hosil qilishning asosiy jihatlarini ilgakli (9.3-rasm,a) va tilchali (9.3-rasm,b) ignalarda ko’rib chiqamiz. Ilgakli igna qo’zg’almas bo’lib, eski halqa S platina yordamida igna asosi bo’ylab harakat qiladi., ya’ni ignalarga nisbatan otboy tekisligi qo’zg’aluvchandir. Tilchali igna esa qo’zg’aluvchandir: tugallash operatsiyasiga ko’tariladi va halqa hosil qilishga pastga qarab harakatlanadi, ya’ni eski halqa yotgan otboy tekisligiga nisbatan harakatlanadi.

I holat – ip qo’yish. Iplar ikki xil holatda qo’yilgan: 1 – igna ilgagiga yaqinroq, 2 – uzoqroq. Kiritish operatsiyasida iplar navbatma-navbat ilgak ostiga kiradi, bunda ular joylashgan tartib saqlanib qoladi, ya’ni 1 ip ilgakka yaqin, 2 ip ilgakdan uzoq. Birlashish operatsiyasigacha iplarning xuddi shu holatda saqlanib qolishi juda muhimdir.

II holat – birlashish. Bu operatsiyaning mohiyati shundan iboratki, eski halqa tangi halqa yoylari bilan birlashib, ularni siqib qoladi, va shu bilan ularning ip qo’yish va kiritish operatsiyalarida egallagan o’rinlari mustahkamlanadi.

III holat – shakllantirish, tortishning boshlanishi. Shakllantirishni bajarish jarayonida yangi halqa o’zining tarkibidagi 1 va 2 iplar holatini o’zgartirmasdan turib eski halqa S orasidan tortiladi.

9.3-rasm. Ilgakli va tilchali ignalarda yopqich halqasini hosil qilish jarayoni sxemasi.

Yangi halqa tuzilishidan ko’rinib turibdiki, ip 1 to’qimaning orqa tarafiga chiqqan va u asos ipi hiosblanadi, ip 2 esa to’qimaning old tarafiga chiqqan va u yopqich ipi hisoblanadi.

Yuqoridagilarni inobatga olib, yopqichli trikotaj to’qish texnologiyasining quyidagi asosiy qoidalari kelib chiqadi:

1)halqadagi iplarning holati ip qo’yish va kiritish operatsiyalarini bajarish shartlaridan kelib chiqadi;

2)igna ilgagiga yaqin joylashgan ip to’qimaning orqa tarafida, igna ilgagidan uzoq joylashgan ip to’qimaning old tarafida bo’ladi;

3)to’qish jarayonida ip berish shartlariga alohida e’tibor berish kerak.

Bu qoidalar barcha turdagi mashinalar uchun o’rinlidir.