4. yopqichli trikotaj to’qimalari reja

Grebenkalarning ignalar oldida bir yo’nalishda surilishi. 9.5-rasmda tanda to’quv mashinasida grebenkalarning ignalar oldida bir yo’nalishda surilishida yopqichli trikotaj ishlab chiqarish jarayonining alohida operatsiyalari keltirilgan.

9.5-rasm a da igna ilgagiga ip qo’yish (birinchi bosqich) ko’rsatilgan. I holat grebenkalarning siljishdan oldingi holatini ko’rsatadi. Birinchi turgan grebenka P igna asosiga yaqinroq, grebenka Z igna asosidan uzoqroq.

Grebenkalar oldinga siljiganidan keyin (II holat) ip qo’yish uchun ignalar oldida suriladi. Bunda oldingi grebenka orqadagiga qaraganda bir oz pastroqda joylashadi, natijada uning ipi igna tekisligiga nisbatan kattaroq burchak ostida, S₁ va S₂ eski xalqalar turgan chiziqqa nisbatan kichikroq burchakda joylashadi. Natijada uning ipi orqadagi grebenka ipiga qaraganda pastroqda joylashadi. Grebenkalar surilib bo’lgach, orqaga siljishni amalga oshiradi va iplar igna ilgagiga o’raladi.

9.5-rasm. Tanda to’quv mashinasida grebenkalarning bir yo’nalishda surilishida yopqichli to’qima olish jarayoni sxemasi.

Iplar asosga qo’yilishi uchun (9.5-rasm, b) igna ko’tariladi va iplar ilgakdan pastga tushadi. Iplar tarangligini doimiy saqlash uchun grebenkalar igna orqasida ozgina siljishni amalga oshiradilar. Boshqa operatsiyalarni bajarishda davom etish uchun ignalar pastga tushadilar.

9.5-rasm v da kiritish operatsiyasi ko’rsatilgan. Rasmdan ko’rinib turibdiki, ilgak ostiga birinchi bo’lib orqa grebenka Z ipi kirgan, ikkinchi bo’lib old grebenka P ipi kirgan. Birlashish, tashlash, shakllantirish operatsiyalari vaqtida (9.5-rasm, g) iplar ilgakda shunday joylashadiki, orqa grebenka ipi ilgakka yaqin, oldi grebenka ipi asosga yaqin bo’ladi. Halqa hosil qilish jarayonini davom ettirib, tashlash operatsiyasida ilgakdan birinchi bo’lib orqa grebenka ipidan hosil bo’lgan halqa tushadi va to’qimaning orqa tarafida joylashadi. Oldi grebenka ipidan hosil bo’lgan halqa esa ikkinchi bo’lib tashlanadi va to’qimaning old tarafida joylashib, orqa grebenka ipidan hosil bo’lgan halqani yopadi.