4-мавзу ҳУҚУҚшуноснинг шахсий ривожланиш режаси мавзунинг асосий масалалари

Шахсий PESТ таҳлил
Ш ахсий SWОТ таҳлилда муваффақиятингизга таъсир кўрсатиши мумкин бўлган сизга боғлиқ омиллар кўриб чиқилди. Бундан фарқли равишда, PESТ таҳлил карьерангизни қуришингизга ёрдам берадиган ёки тўсиқ бўладиган ташқи омилларни чуқурроқ мушоҳада этишга ёрдам беради.
PESТ сиз фаолият юритадиган сиёсий (political), итисодий (economic), ижтимоий-маданий (sociocultural) ва технологик (technological) муҳитларни таҳлил қилишни англатади. PESТ таҳлилни амалга ошириш учун карьерангизга таъсир кўрсатиши мумкин бўлган ташқи омилларни аниқлаштириб олишингиз лозим. Кейин уларнинг ҳар биридан келиши мумкин бўлган имконият ёки хатарларни аниқлайсиз.
Сиёсий омиллар. Бу ерда ҳукумат ва сиёсатнинг сиз ҳисобга олган имкониятларга таъсирини кўриб чиқасиз.
Қуйидаги саволларга қараймиз:

• 
  Қандай янги қонун ёки норматив ҳужжатлар сизнинг имкониятларингизга таъсир қилиши мумкин?
  
• 
  Мақсад ва имкониятларингизни қўллаб-қувватлайдиган қандайдир сиёсат ёки дастур борми?
  
• 
  Давлат сиёсатининг бирор йўналиши маълум соҳада сизнинг салоҳиятингизни чеклаши ёки пул ишлаб топишингиз учун тўсиқ бўлиши мумкинми?
  
• 
  Ҳукуматнинг алмашиши ёки сиёсат ўзгариши мумкинми?
  
• 
  Сиёсатдаги ўзгаришлар қандай имконият ва хатарларни келтириб чиқариши мумкин?
  

Иқтисодий омиллар. Энди сиз мақсадингизга эришишингизга таъсир қилиши мумкин бўлган иқтисодий омилларни кўриб чиқасиз.
Қуйидагилар тўғрисида ўйланг:

• 
  Сиз қизиқаётган соҳада ёки касбда ўртача маош қанча?
  
• 
  Иш ҳақининг ошиши, тушуши ёки жорий даражасини сақлаб қолиши кутиладими?
  
• 
  Ўз эҳтиёжларингизни қондириш учун мазкур маош етарлими?
  
• 
  Мазкур соҳада бандлик ёки ишсизлик даражаси қандай?
  
• 
  Ушбу карьерадаги инсонлар учун узоқ муддатли талаб борми?
  
• 
  Мазкур ўзгариш ва ҳолатлар қандай имконият ва хатарларни келтириб чиқариши мумкин?