4-мавзу. Махсус фанларда назарий дарсларни ташкиллаштириш ва ўтказиш методикаси

35. Тўплам-битта ёки бир нечта муаллифнинг қатор асарлари, рефератлари ёки турлича расмий ёки илмий материаллардан иборат бўлган нашр.

36. Ўқув адабиётининг режа-проспекти-муаллиф (ёки муаллифлар гуруҳи) келгусида яратиши мўлжалланган китоб мазмунининг асосий ҳолатларини, мавзуларни очиш тамойиллари, тузилиши, китоб қисмлари, ҳажмларининг нисбати ҳақидаги ҳужжат. Амалда унда бўлгуси нашр боблари ва параграфлари мазмуни рефератив тарзда очилади, уларнинг ҳажмлари кўрсатилади.

37. Ўқув дастури-таълимнинг муайян босқичида ўқув режасидан жой олган фаннинг (ўқув предметинимг) таълим тавсифномаси (стандарти) белгилаб берган ҳажми ва мазмунини ҳамда уни ўзлаштириш усулларини кўрсатиб берувчи ўқув ҳужжати. У фақат ўқитувчи ва ўқувчи фаолиятини йўналтирувчигина эмас, балки дарслик ва ўқув-услубий қўлланмаларнинг муаллифлари фаолиятини ҳам аниқлаб берувчи меъёрий ҳужжатдир.

38.Қомус (энциклопедия)-алифбо ёки махсус тизимланган тартибда қисқа мақолалар кўринишида баён қилинган, билимлар ва амалий фаолиятнинг бир ёки барча тармоқлари бўйича умумлаштирилган кўринишдаги асосий маълумотларга эга бўлган бир ёки кўп жилдли маълумотнома нашр. Киритилган маълумотлар доирасига боғлиқ тарзда универсал (умумий) ва тармоқ (махсус) қомусларга ажратилади.

Ўқув адабиётларига қўйиладиган талаблар

Ўқув адабиётларига қўйиладиган талаблар

 

Таълим турларининг хусусиятларидан ва нашр шаклидан қатъий назар барча ўқув адабиётлар қуйидаги умумий талабларга жавоб бериши керак:

—давлат таълим стандартлари (давлат талаблари) асосида тайёрланиши;

—таълим-тарбия жараёнига ҳамкорлик педагогикаси ва ўқитишнинг интерактив услубларини тадбиқ қилишда кўмак бериши;

—тегишли ўқув фанининг назарий ва амалий ривожланишида, узоқ ва яқин ўтмишдаги бой интеллектуал меросимизнинг ўрни ва аҳамиятини кўрсатиши;

—интеллектуал инсонпарварлик ғояларининг акс эттирилиши, инсоннинг табиат ва ижтимоий ҳаётда ўта масъулиятлилигини англатишга қаратилиши;