4-мавзу. Махсус фанларда назарий дарсларни ташкиллаштириш ва ўтказиш методикаси

4-мавзу. Махсус фанларда назарий дарсларни ташкиллаштириш ва ўтказиш методикаси

 

4.1. Маърузани баён этиш, турлари ва уларга қўйиладиган

талаблар.

4.2.Ўқув адабиётларнинг шакли, турлари уларга қўйиладиган

талаблар.

4.3.Ўқув услубий мажмуанинг педагогик финкциялари.

4.1. Маърузани баён этиш, турлари ва уларга қўйиладиган талаблар

4.1. Маърузани баён этиш, турлари ва уларга қўйиладиган талаблар

 

Маъруза — у ёки бу илмий масалани тўғри, мантиқий изчилликда ва аниқ изоҳлаб бериш.Маъруза ўқитишнинг енг кенг тарқалган шакли бўлиб, педагогик фаолиятда етакчи ўринни эгаллайди. У ўқитувчи меҳнатининг олий шакли даражасида эътироф етилади. Уни бир томонлама алоқанинг кўриниши, деб ҳам аталади. Бунда ўқитувчининг фаоллиги ва тингловчиламинг нофаоллиги кўзда тутилади. Бироқ мунозара шаклида баён етиладиган маъруза енг фаол педагогик технология элементидир. Мунозарали мавзуда тингловчиларнинг фаоллиги жуда юқори бўлишига эришиш мумкин.

Ҳар қандай маъруза таркибан уч қисмдан иборат бўлади:

-кириш;

-асосий қисм;

-хулоса.

Маърузанинг йўналтирув функциясида талабаларнинг диққати ўқув материалининг асосий қоидалари, уни ўрганишдаги ҳамда бўлғуси касбий фаолиятидаги роли, аҳамияти ва уни ўзлаштириш методларига жалб қилинади. Маърузанинг ахборот бериш функцияси ўқитувчи томонидан асосий илмий фактлар, қоидалар, хулосаларнинг моҳиятини очиш чоғида амалга оширилади. Ўқитишнинг методологик функциясини қўлаш тадқиқот методларини қиёслаш, чоғиштиришга ҳамда илмий изланишнинг тамойиллари ва ёндашувларини аниқлашга ёрдам беради. Ўқитишнинг тарбиялов функцияси маъруза жараёнида ўқув материалига ҳиссий баҳо бериш муносабатларини уйғотиш, қизиқишларини ўстириш, мантиқий фикрлаш ва исботлашни ойдинлаштириш йўли билан амалга оширилади.