4-мавзу. ҚИшлоқ ХЎжалиги ялпи ва товар маҳсулотлари, кенгайтирилган ишлаб чиқариш режа

---

4-МАВЗУ. ҚИШЛОҚ ХЎЖАЛИГИ ЯЛПИ ВА ТОВАР МАҲСУЛОТЛАРИ, 
КЕНГАЙТИРИЛГАН ИШЛАБ ЧИҚАРИШ
 
 
Режа: 
1. 
Қишлоқ хўжалигининг ялпи ва товар махсулоти хақида тушунча. 
2. 
Қишлоқ хўжалигида кенгайтирилган такрор ишлаб чиқаришнинг мохияти ва 
ўзига хос хусусиятлари.
3. 
Ялпи маҳсулотнинг миқдор ва қиймат кўрсаткичлари.
4. 
Ялпи махсулотнинг таркиби.
5. 
Қишлоқ хўжалик маҳсулотларининг товарлилик даражаси.
6. 
Ялпи махсулотни кўпайтириш, унинг товарлилик даражасини ошириш 
йўллари.
 
Қишлоқ хўжалиги ишлаб чиқаришининг пировард натижаси ялпи 
маҳсулотдир.
Қишлоқ хўжалиги ялпи маҳсулоти деганда, шу тармоқнинг маълум бир давр ичида 
ишлаб чиқарилган маҳсулотлари миқдорининг йиғиндиси тушунилади. Унинг таркибига 
фақат деҳқончилик ва чорвачилик маҳсулотлари киради. 
Қишлоқ хўжалиги ялпи маҳсулоти натура ва қиймат кўрсаткичларда ҳисобга 
олинади.
Натурал кўрсаткичлар қишлоқ хўжалигида яратилган истеъмол қийматларининг 
таркиби ва миқдорини акс эттиради. Центнер, тонна ва бошқа ўлчовларда ҳисобланадиган 
ялпи маҳсулот кўрсаткичига, деҳқончиликда – алоҳида экинлар ёки бир хил турдаги 
қишлоқ хўжалиги экинлари асосий маҳсулотлари, ёш кўп йиллик дарахтларнинг ва 
деҳқкончиликдаги тугалланмаган ишлаб чиқаришнинг (кузги экинларнинг экиш ва келгуси 
йил ҳосили учун харажатлар) ўсишидаги ўзгаришлар, шунингдек тармоқнинг бошқа 
(қўшимча) маҳсулотлари (сомон, похол ва бошқалар); чорвачиликда – тайёр маҳсулотнинг 
алоҳида турлари бўйича (сут, жун, тухум ва бошқалар) ялпи тушум: ёш моллар ва 
парррандаларнинг тирик вазнининг ўсиши, шунингдек, тармоқнинг бошқа қолдиқ 
маҳсулотлари (гўнг ва бошқалар) киради.