4-мавзу: Қишлоқ хўжалиги трактори (2 соат)

Технологик жараён - бу меҳнат предметига (тупроқ, дон, пахта ва бошқа.) йўналтирилган таъсирлар жамланмаси бўлиб, унинг натижасида ишлов берилаётган материалнинг хоссаси, жойлашиши, ҳолати ўзгаради. Масалан: Ер ҳайдаш жараёнида унинг зичлиги, намликни сақлаш қобиляти, донадорлиги, устки қисмини пастига ағарилиши ва бошқа хоссалари ўзгаради.
Ишлаб чиқариш жараёни - деб талаб этилган сифатга жавоб берадиган маҳсулот олиш мақсадида машина ва механизмлар томонидан белгиланган режимда (тезлик, меъёр ва сифатда) ва агротехник муддатда кетма-кет ва ўзаро боғланган ҳолда бажариладиган ишлар йиғиндисига айтилади.
Ишлаб чиқариш иши - бу техника воситаларини ишлов бериш предметига таъсирини англатади.
Бажариладиган ишлар қуйидаги турларга бўлинади: асосий (ер ҳайдаш, тирмалаш, молалаш, уруғ экиш ва бошқа.), транспорт (уруғ, ўғит, кимёвий препаратлар етказиб бериш ва бошқа.) ва ёрдамчи (агрегат ва далани ишга тайёрлаш) ишлар киради.
Ишлаб чиқариш жараёнлари сарфланадиган энергия турига ва фойдаланадиган воситаларнинг техник даражасига қараб механизациялаш-тирилмаган (ғўзани ягана қилиш, бегона утдан тозалаш ва бошқа.), механизациялаштирилган (ер ҳайдаш, экиш, қатор орасига ишлов бериш ва бошқа.), электрлаштирилган (дон тозалаш, насос билан сув
чиқариш, ифлосланган пахтани тозалаш ва бошқа.), автоматлаштирилган (қишлоқ хўжалиги маҳсулотларини қайта ишлаш, иссиқхонада температура ва намликни сақлаш ва бошқа.) турларга бўлинади.
Харакатланганлик даражасига қараб - кучиш ва муқим ҳолатда амалга ошириладиган жараёнларга бўлинади.
Кучиш усулида амалга ошириладиган жараёнларда ишлов бериладиган предмет (ер, экилган экин, етиштирилган ҳосил ва бошқалар) қўзғалмайди, балки ишлов бериш воситаси кучиб харакатланади.
Муқим бажариладиган жараёнларда эса ишлов бериш воситаси қўзғалмас ҳолатда ўрнатилиб, ишлов бериш предмети (насосда сув чиқариш, донни тозалаш, ем-хашакни майдалаш ва бошқа.) эса унга ўзатилади.