4-мавзу: Қишлоқ хўжалиги трактори (2 соат)

1.2. Ишлаб чиқаришни механизациялаштиришнинг ривожлантириш истиқболлари
Техникалардан фойдаланишда аввало уларнинг фойдаланиш кўрсатгичларини яхшилаш ҳисобига иш унумини оширишнинг энг замонавий усуллардан фойдаланиш ҳамда бажариладиган ишларнинг ташқил этишнинг янги тартиб ва қоидаларини ишлаб чиқаришга жорий қилиниши талаб этилади.
Шунинг учун Президентимиз мамлакатимизда қишлоқ хўжалиги машинасозлигини ривожлантириш ва техникалардан самарали фойдаланиш истиқболлари белгилаб берилган бўлиб, бу йўналишлар қуйидагилардан иборат:
▪ машина-трактор паркларини сифатли қишлоқ хўжалиги машиналари билан қайта жиҳозлаш;
▪ қуввати, иш унуми, ёқилги сарфи ва бошқа кўрсатгичлари замонавий стандартларга мос келадиган янги турдаги қишлоқ хўжалиги техникаларини ишлаб чиқаришни ўзлаштириш;
▪ кишлоқ хўжалиги машинасозлиги корхоналарини модернизациялаш ва техникавий қайта жиҳозлаш;
▪ Қишлоқ хўжалиги техникаларини ишлаб чиқариш ва етказиб бериш тизимини такомиллаштириш;
▪ сервис хизмати тизимининг сифатини ошириш ва кенгайтириш;
▪ фермер хўжаликлари, машина-трактор парклари ва қишлоқ хўжалиги машинасозлиги корхоналарига етук мутахассисларни тайёрлаш ва уларнинг малакасини доимо ошириб боришдан иборат.
Ушбу қўйилган вазифаларни белгиланган муддатларда амалга оширилиши келажакда мамлакатимиз аҳолисини қишлоқ хўжалиги маҳсулотлари билан таъминлашда муҳим рол ўйнайди.


1.3. Қишлоқ хўжалиги ишлаб чиқариш жараёнлари, асосий тушунчалар ва тарифлар


Қишлоқ хўжалиги соҳасида ишлайдиган ҳар бир мутахассис етиштириладиган маҳсулотларини ишлаб чиқаришда қўлланиладиган технология, ишлаб чиқариш жараёни ва бажариладиган ишлар тўғрисида аниқ тушунчаларга эга бўлиш керак.
Технология - бу белгиланган сифатдаги маҳсулотни олиш учун амалга ошириладиган биологик, кимёвий, физик ва агротехник жараёнлар йиғиндисидир. Масалан: Пахта хом-ашёсини етиштириш технологиясини амалга оширишда далани ҳайдаш, минерал ва маҳаллий ўғитлар солиш, тупроққа экишдан олдин ва қатор орасига ишлов бериш, зараркунандаларга қарши курашиш, пахтани териб олиш ва бошқалар, жами 80 тадан ортиқ ишлаб чиқариш ишларини амалга ошириш керак бўлади.