4-маъруза. Меҳнат таълимида ўҚитиш методлари

4-МАЪРУЗА.
МЕҲНАТ ТАЪЛИМИДА ЎҚИТИШ МЕТОДЛАРИ.
РЕЖА:
1. Меҳнат таълими дарсларида анъанавий (мантиқий, кўргазмали, амалий, муаммоли) ўқитиш методлари.
2. Меҳнат таълими дарсларида ноанъанавий ўқитиш методлари.
3. Меҳнат таълими дарсларида интерфаол таълим методлари.
4. Меҳнат таълими дарсларида муаммоли вазиятларни қўллаш методлари.
5. Меҳнат таълими дарсларида инновацион усуллар.


МАЪРУЗА БАЁНИ.

Меҳнат таълимида ўқитишнинг ҳар хил методларидан фойдаланилади. Таълим методларини танлаш аввало, ўқув материалининг ва ўқув вазифаларининг характерига боғлиқ.

Меҳнат таълимига доир ўқув вазифалари мактабдаги бошқа фанларнинг ўқув вазифалари ўқувчиларга янги билимлар бериш, кўникма ва малакаларни таркиб топтириш, билимларни амалда қўллаш ва ҳ.к. Билим асосан бир хиллиги учун таълим методлари ҳам деярли бир хил бўлади. Бу гап энг аввало назарий машғулотларга тааллуқли бўлиб, бундай машғулотлар юқори синф ўқув дастурларида бевосита назарда тутилган.
Назарий машғулотларда педагогика курсида кўрсатилган умумдидактика тавсиялари тўлиқ татбиқ этилади.
Амалий машғулотларда эса, ўқув материалининг характерига кўра меҳнат бўйича амалий машғулотлар бошқа ўқув фандагидан фарқ қилади, бу эса таълим методларидан фойдаланишда қатор ўзига хос хусусиятларни келтириб чиқаради. Меҳнат кўникма ва малакаларини шакллантириш меҳнат таълими методикасида жуда муҳим ўрин тутади.
Шу сабабга кўра, меҳнат таълими фанида назарий ва амалий ўқув машғулотларида дарс усуллари ва услублари кўриб чиқиш зарурати туғилади.
Дарс жараёни фақат педагогик усул (метод) ва услуб (методика)лар орқали амалга оширилиб, улар дарснинг ажралмас қисми ҳисобланади. Ўқитувчисиз ва ўқувчисиз ҳамда ўқув дастури ва режасиз дарс ўтиб бўлмаганидек, педагогик усул ва услубларсиз дарснинг самарали ташкил этилишини амалга ошириб бўлмайди.
Дарс ўтишнинг усули (методи) деганда, ўқув машғулоти жараёнида қўлланиладиган чора-тадбирлар мажмуаси тушунилади.