4-Ma’ruza Avtotransport ish qobiliyatini ta’minlash strategiyasi va taktikasi. Reja

UΣ q CΣ q CI + CII
Maqsad funktsiyasining eng maqbul qiymati UΣ0 q (CΣ) min. Profilaktika (TXK) va ish qobiliyatini tiklash (ta’mir)ga bo‘lganxarajatlarni solishtirish orqali muayyan buyum yoki birikma uchun ish qobiliyatini ta’minlash strategiyasi va taktikasi tanlab olinadi.


4.2. Avtotransport vositalari me’yorlari
Mulkchilik shaklidan qat’iy nazar xar qanday korxona o‘z faoliyati rejasini va dasturini tuzishda shu sohadagi asoslangan me’yorlardan foydalanadi.
Me’yor deb qaror qabul qilish va uni amalga oshirishda qo‘llaniladigan son yoki sifat ko‘rsatkichiga aytiladi. Me’yorlar quyidagi darajalarda qabul qilinishi mumkin:
- umumdavlat (qonunlar, standartlar, yo‘l harakati, ekologik va yong’in xavfsizligi talablari va boshqalar);
-mintaqaviy, tarmoqlararo (avtomobil transporti harakatdagi tarkibiga texnik xizmat ko‘rsatish va ta’mirlash xaqidagi Nizom, texnik ekspluatatsiya qoidalari);
- tarmoq va guruhlar (korxonalar guruhi, birlashmalar, holding);
- tarmoq ichi va xo‘jaliklar (korxona yoki korxonalarda qo‘llaniladigan me’yorlar, standartlar, talablar va boshqalar); Texnik ekspluatatsiyaning eng muhim me’yorlariga quyidagilar kiradi:
- texnik xizmat ko‘rsatish davriyligi;
- avtomobil, agregat, detallar resursi;
- texnik xizmat ko‘rsatish va ta’mirlash ish hajmi;
-ehtiyot qismlar sarfi;
- yonilg’i va ekspluatatsiya materiallari sarfi.
Me’yorlar nazariy tadqiqotlar, tahliliy hisoblar asosida va transport vositasi ishonchliligi, materiallar sarfi, texnik xizmat ko‘rsatish davriyligi, ish hajmi haqidagi ma’lumotlar bo‘yicha aniqlanadi. Texnik ekspluatatsiya me’yorlari avtotransport tarmog’i korxonalarini loyihalashda, korxona faoliyati ko‘rsatkichlarini aniqlashda yonilg’i, ekspluatatsiya materiallari va mehnat sarfini belgilashda, texnik xizmat ko‘rsatish va ta’mirlash tartibotini rejalashtirishda, ishchilar soni va korxonaning ko‘pgina texnik iqtisodiy ko‘rsatkichlarini aniqlashda ishlatiladi.