4-laboratoriya ishi. Emulsiyalarni olish va turini aniqlash. Ishdan maqsad

4-LABORATORIYA ISHI. EMULSIYALARNI OLISH VA TURINI ANIQLASH.

Ishdan maqsad: Talabalarga emulsiyalarni tayyorlash, turini aniqlash va fazalar almashinuvini amalga oshirishni о‘rgatish.

Kerakli asbob va reaktivlar: Optik mikroskop, pipetka, о‘lchov silindri, qopqoqli kolbachalar, shisha plastinkalar, sudan III bо‘yog‘i, benzol yoki toluol, natriy oleat eritmasi, 0,01n SaSl₂ eritmasi.

Ishning mazmuni: Ikki yoki undan ortiq bir-birida erimaydigan yoki juda oz miqdorda eriydigan suyuqliklardan tashkil topgan, ularni biri tomchi-tomchi holida bir-biri bilan о‘zining polyarligi bо‘yicha farqlanuvchi ikkinchi uzluksiz fazada disperslangan geterogen dispers sistemaga emulsiya deyiladi.

Kam polyarlanuvchi suyuqliklarga – “moy”, yuqori polyarlanuvchi suyuqliklarga “suv” deyiladi. Emulsiyadagi suyuqliklardan biri – ya’ni tomchi-tomchi xolidagi suyuqlik – dispers faza, shu tomchilar tarqalib turgan ikkinchi suyuqlik dispersion muhit deyiladi.

Emulsiyalardan hosil bо‘lish shartlari dispers fazasi qattiq kolloid sistemalarning olish shartlariga о‘xshash bо‘lib 3-chi modda ya’ni stabilizator ishtirok etilishi kerak, emulsiyalarda esa bu 3-moddani emulgatorlar deyiladi.

Odatda uncha konsentrlanmagan emulsiyaning zarrachalarining tomchilari sferik forma holida bо‘ladilar.

Emulsiyalarni oldin dispers faza nomlanib, sо‘ngra dispersion muhit nomlanadi. Ularni klassifikatsiyalash ham:

1. Dispers fazaning xarakteriga qarab:

a) 1 tur yoki tо‘g‘ri emulsiya “moy”ning suvdagi emulsiyasi /m/s yoki m-s/;

b) 2 tur yoki teskari emulsiya – suvning moydagi emulsiyasi /s/m yoki s-m/.

2. Dispers fazaning konsentratsiyasiga qarab emulsiyalar:

a) suyultirilgan

b) konsentrlangan

v) о‘ta konsentrlangan yoki jelatinlangan bо‘ladi.

Konsentrlangan emulsiyalarning suyultirilgan emulsiyalardan farqi shuki, ularda dispers fazani miqdori kо‘pligida 2% dan 74% gacha. Bunday emulsiyalarning tomchilari sferik forma xolatini saqlab qoladi va о‘lchami 0,1 dan 50mm gacha bо‘ladi. (6-rasm a va b).

a) b) v)