4-laboratoriya ishi. Emulsiyalarni olish va turini aniqlash. Ishdan maqsad

Toluolning suvdagi emulsiyasining emulgator ishtirokida olinishi. Buning uchun jelatinaning 0,5 suvdagi eritmasi tayyorlanadi. Tayyorlangan eritmadan 10 ml olib, haroratini 40⁰S ga yetkazib aralashtirilib, ustiga oz-ozdan 30ml atrofida toluol qо‘shiladi. Emulgirlash tо‘xtagandan sо‘ng emulsiya 1-2 soat qо‘yib qо‘yiladi. Shu davrda emulsiya xattoki idishdan chо‘kilmaydigan darz qotib qoladi. Lekin isitilsa yoki chayqatilsa yana suyuladi. Emulsiyalarning bunday xususiyatlari, dispersion muhit rolini о‘ynovchi jelatina zollarining tiksotrop xarakteriga ega ekanligidir. Shunday yо‘l bilan kerosinning suvdagi emulsiyasini ham olish mumkin.

Laboratoriya ishini bajarish tartibi. Kolbaga 20 ml oleat natriy solinadi. Unga 10 ml benzol eritmasidan va sudan-3 bо‘yog‘idan 1 qoshiqchada qо‘shiladi. Sо‘ngra yaxshilab aralashtiriladi, hosil bо‘lgan bir fazali emulsiyani (moyni suvdagi emulsiyasi) shisha plastinkaga pipetka yordamida bitta tomchi tomiziladi. Keyin mikroskopda quyidagi kо‘rinish kuzatiladi.

Teskari tur emulsiya hosil qilish uchun tо‘g‘ri tur emulsiyadan 10 ml olib, uni ikkinchi kolbaga solinadi va uning ustiga 10 ml CaCl₂ eritmasidan qо‘shiladi. Sо‘ngra uni ham yaxshilab aralashtirib, teskari tur emulsiya (suvni moydagi emulsiyasi) hosil qilinadi. Keyin pipetka yordamida 1 tomchi olib, shisha plastinkaga tomiziladi va mikroskopda quyidagi kо‘rinish kuzatiladi.