4 a kurs talabası Abdikalikova Gúldananıń informatikaní oqíTÍw metodikasí

1. Aktivlik principi. Oqıwshı ózi háreket etken waqıtta júda jaqsı úyrenedi hám ózlestiredi. Sol sebepli oqıw jaǵdayı sonday shólkemlestiriliwi kerek, oqıwshı bir-neshe jumıs-háreketler etiwi kerek bolsın. Oqıwshılar hár bir sabaqta ónimli túrde aktiv bolıwı kerek, sebebi ózi neni qılıp atırǵan waqıtta oqıwshı bul zattı sanalılaw túrde ózlestiredi jáne bul bilim yadında tereńrek o'rnasıp qaladı. Bunıń nátiyjesinde oqıwshılar bilimlerdi jaqsılaw hám tereńrek ózlestiredi hám eslep qaladı hám de olardıń qızıǵıwshılıǵı artadı. Birpara kvalifikasiyalarǵa bolsa, mısalı ǵárezsizlik hám individual túrde úyreniw sıyaqlı qábiletlerge tek sol tárizde erisiw múmkin. Onıń ushın, álbette, instruktor yamasa oqıtıwshı stilistik qábiletlerge hám kónlikpelerge ıye bolıwı kerek.
2. Teoriya hám ámeliyattı bir biri menen baylanıstırıw principi. Ne oqıtılıp atırǵan yamasa oqılǵan bolsa da, bul zat álbette ámeliyatqa tiyisli bolıwı shárt. Bul oqıwshılardıń oqıwǵa ıntasın kúsheytedi, sebebi olar kásip-óner ámeliyatında haqıyqatlıqtan da qollanılatuǵın bilimlerdi úyrenip atırǵanın biledi. Teoriyalıq bilimler mudam kásip-óner ámeliyatı menen baylanısıwı kerek. Ámeliy tálim de óz gezeginde teoriyalıq bilimlerge tiykarlanǵan bolıwı kerek.
3. Kórgezbelilik principi. Shınıǵıw processinde oqıwshılardıń individual úyreniw-ózlestiriwin kúsheytiw ushın oqıw materialın ózlestiriw waqtında ılajı bolǵanınsha kóbirek sezim shólkemleri jumısqa salınıwı kerek. Bilimlerdi ılajı bolǵanınsha kórgizbeli hám real turmısqa jaqın etip usınıw - bir tárepten tildiń túsinikliligin hám tálim processinde audio -vizual qurallardan paydalanıwdı talap qılsa, ekinshi tárepten, ol tikkeley jumıs jaǵdayında hám real obiektlerde oqıtıwdı talap etedi. Sabaq processinde bilimlerdi kórgezbeli berilse, oqıwshılardıń bul bilimlerdi ózlestiriwleri ańsatlasadı hám oqıw procesi jáne de qızıqlı boladı. Real obiektlerde oqıtıw mudam eń birinshi orında turıwı kerek.
4. Túsiniklilik principi. Oqıw materialınıń mazmunı sonday saylanǵan hám dúzilgen bolıwı kerek, oqıwshılar onı ózleriniń aldınǵı bilimleri menen baylanıstıra alıwları jáne onı túsiniwde qıynalmaslıǵı kerek. Yaǵnıy oqıw materialınıń mazmunı, sonıń menen birge oqıtıwshı hám instruktordıń tili hám pikirlerin ańlatıw usılı oqıwshınıń bilim dárejesine sáykes keliwi kerek, biraq bul oqıtıwshı ilimiy tildegi terminlerden paydalanbaslıǵı kerek degeni emes.