3 Ongning strukturasi, uning muhim psixologik ta’rifi qanday?

Esda olib qolishni xotiraning yangi materialni ilgari o’zlashtirilgan material bilan bog’lash orqali esda saqlab qolinishiga olib keladigan jarayon sifatida ta’riflash mum­kin. Bu individ tajribasini yangi bilimlar va hulq-atvor shakllari bilan boyitishning zarur shartidir. Esda olib qolish hamisha tanlangan bo’ladi: sezgi a’zolarimizga ta’sir qiladigan barcha narsalar ham xotiramizda saqlanib qolavermaydi.
Kishi nima bilan harakat qilgan bo’lsa, shu narsa esda saqlab qolinadi. Amaliy ish harakatlaridan foydalanilgan holda o’tkazilgan tajribalarda ham ana shu qonuniyat aniqlandi.
Bu esda olib qolishning faoliyatga bog’liqligini, kishining har qanday harakati uning shaxsiyatidan ajratilmagan tarzda, ya’ni shaxsning mayllari, maqsadlari va ularga erishish usullari xususiyatlariga bog’liq deb hisoblash keraqligini anglatadi.
SHunday qilib, aytish mumkinki, u yoki bu materialning esda olib qolinishi shaxs faoliyatining sabablari, maqsadla­ri va usullari bilan belgilanadi.
Operativ esda olib qolish deb ataladigan eslab qolishni qisqa va uzoq muddatli esda olib qolish o’rtasidagi oraliq darajalaridan biri deb hisoblash mumkin. Operativ esda olib qolishni kishining odatdagi harakatlariga xizmat qiluvchi xotira jarayoni deb ta’riflash mumkin. U kishi baja­rayotgan harakatning har bir konkret jarayonida biron natijaga erishish sharoitlaridan biri sifatida yuz beradi.