3 Ongning strukturasi, uning muhim psixologik ta’rifi qanday?

Diqqatning ko’chishi sub’ektning bir faoliyatdan ikkinchi bir faoliyatga, bir obhektdan ikkinchi obhektga, bir harakatdan ikkinchi bir harakatga ataylab o’tishida namoyon bo’ladi. Diqqatning ko’chishi yo ongli ravishdagi xulk-atvorga, faoliyatning talablariga, yoxud o’zgarib ketayotgan shart-sharoitlarga muvofiq tarzda yangi faoliyatga kirishish zaruratiga bog’liq bo’ladi yoki dam olish maqsadida amalga oshiriladi.
Diqqatni ko’chirishning muvaffaqiyati bir qancha shart sharoitlarga bog’liqdir. Ko’chirish oldingi va keyingi faoliyatning xususiyatlari bilan bog’liq bo’ladi. Jumladan, diqqatning ko’chirishning muvaffaqiyatliligi ko’rsatkichlari yengil yelpi faoliyatdan mashaqqatli faoliyatga o’tishda ancha kamayadi. ko’chirishning muvaffaqiyatligi kishining oldingi va yangi faoliyatga bo’lgan munosabat bilan belgilanadi. Oldingi faoliyat qanchalik qiziqarli va keyingisi o’ziga qanchalik kamroq jalb etadigan bo’lsa, diqqatning ko’chishi ham shunchalik qiyin bo’ladi. Agar oldingi faoliyat tugallanmagan bo’lsa, yangisini boshlash ancha qiyinroq. Diqqatni ko’chirishning muvafaqqiyatliligi oldingi faoliyatga diqqatning qanchalik jalb etilganligiga ham bog’liq bo’ladi. Agar diqqat g’oyat darajada qattiq jilb etilgan bo’lsa, ko’chirilishi juda ham qiyin bo’ladi. Diqqatning ko’chirilishi ko’p jixatdan yangi faoliyat maqsadining shaxs uchun ahamiyati, uning aniq-ravonligi va soddaligi bilan belgilanadi.