3 Ongning strukturasi, uning muhim psixologik ta’rifi qanday?

Barqarorlik-diqqatning zamon ichidagi ta’rifidir. U jadal diqqatni saqlab turishning davomiyligi bilan belgilanadi. Faoliyat nisbatan uzoq vaqt mobaynida yuksak unumliyligi barqarorlik ko’rsatkichi hisoblanadi. SHunday qilib, diqqatning barqarorligi uning davomiyligi bilan ham, u yuz bergan butun vaqt mobaynida qaratilganligi darajasi bilan ham belgilanadi.
Diqqatning barqarorligi diqqat karatiladigan obhektlarning xususiyatlariga va diqqati yo’naltirilgan shaxsning faolligiga bog’liq bo’ladi. Diqqat jalb qilinadigan obhektlarning o’zgaruvchanligi, harakatchanligi diqqatni uzoq vaqt mobaynida jalb etishning muhim shartlaridandir. Barcha bir xillik diqqatni susaytrib qo’yadi.
Diqqatning harakatchanlik xususiyatlaridan biri uning o’zgaruvchanligi. O’zgaruvchanlik deganda diqqatning jadalligi darajasi vaqti-vaqti bilan beixtiyor ravishda qisqa muddatli o’zgarib turishi, - uning vaqti-vaqti bilan beixtiyor ravishda kuchayib yoki sustlashib ketishi tushuniladi.
Diqqatning o’zgarib turishi ikqilanuvchi ta’sir deb atalmish tasvirlarni idrok etishda osongina kuzatiladi.