3-мавзу. Мустақил Ўзбекистон Республикасининг ташкил топиши ва унинг тарихий аҳамияти

1991 йил 18 ноябрда қабул қилинган «Ўзбекистон Республикаси Президенти сайлови тўғрисида»ги Қонуни билан белгиланади. Бир шахс сурункасига икки муддатдан ортиқ Ўзбекистон Республикасининг Президенти бўлиши мумкин эмас. Ўзбекистон Республикаси Президентининг давлат қурилиши соҳасидаги тажрибасидан унумли фойдаланиш мақсадида ваколати тугаши муносабати билан истеъфога чиққан Президент умрбод Конституциявий суд аъзоси лавозимини эгаллаши кўзда тутилган.
1991 йил охирида Ўзбекистон ҳаётида улкан тарихий воқеа содир бўлди. 29 декабрда халқимиз узоқ йиллик мустамлакачиликдан сўнг том маънодаги мустақиллик рамзи сифатида биринчи бор умумхалқ хоҳиш иродаси билан мустақил Ўзбекистон Республикаси Президентини сайлади. Ўзбекистоннинг янги тарихи шу санадан бошланади, десак муболаға бўлмайди. Бу тарихий воқеа жуда катта меҳнат, сиёсий фаоллик, миллий яхлитлик, ғоялар ва мақсадлар муштараклиги маҳсули бўлди. Бу шарафли ишни Марказий сайлов комиссияси, 13 сайлов округи ва 7 мингта участка сайлов комиссияси амалга оширди. Асосий вазифа “Ўзбекистон Республикаси референдуми тўғрисида”ги ва “Ўзбекистон Республикаси Президентини сайлаш ҳақида”ги қонунлар талабларини оғишмай амалга ошириш, бир томондан, миллионлаб фуқароларга ўз конституцион ҳуқуқидан фойдаланишга, хоҳиш - иродаларини эркин билдиришга, иккинчи томондан, президентликка номзодларга уларнинг сайловолди курашида тенг шароит яратиб беришдан иборат эди.
Умумхалқ Президент сайлови мамлакат тарихида илк бор ўтаётганини, сайловчиларимизда ҳали етарли тажриба ва кўникма йўқлигини инобатга олиб, бу тадбирни уюшқоқлик билан кўтаринки руҳда ўтказиш мақсадида фаоллар кенг кўламда жалб қилинди. Сайлов комиссиялари ишида 75 мингдан зиёд киши қатнашди. Сайлов комиссияларига ёрдам тариқасида Олий Кенгаш ва маҳаллий Кенгашлар депутатлари кенг фаолият кўрсатишди.
Ўзбекистон Республикаси сайлови муқобиллик асосида ўтди. Олий лавозимга икки номзод -