3-Мавзу: менежмент жараёни ва унинг функциялари режа

Мақсаднинг тобелиги деганда мақсадни қўйиш ва уни амалга оширишнинг мавжуд шарт-шароитларга боғлиқлиги, ёхуд стратегик мақсаднинг қатор тактик мақсадларга, истиқболли мақсаднинг еса ўрта ва қисқа муддатли мақсадларга боғлиқлиги, бир мақсаднинг бошқа мақсадга бўйсуниши тушунилади.
Мақсаднинг ёйиб бўлишлиги сифати деганда унинг:

• 
  ўз моҳияти бўйича;
  
• 
  амалга ошириш даври (вақти) бўйича;
  
• 
  поғоналар бўйича;
  
• 
  бўғинлар ва ҳоказолар бўйича бир қатор локал ва хусусий мақсадларга ёйилиши тушунилади.
  

Мақсаднинг ўзаро муносабат (боғланиш)да бўлишлик сифати деганда унинг муҳимлиги жиҳатидан тартибланиши тушунилади. Мақсаднинг бу жиҳати барча локал, хусусий ва якка мақсадларни устуворлиги бўйича тартиблаш, шунингдек мазкур мақсадларни амалга ошириш бўйича аниқ амалий тадбирларни ишлаб чиқиш имконини беради.
Мақсаднинг муайян иерархияга ега еканлиги, яъни бир мақсаднинг бошқа бир мақсадга бўйсуниши (тобе бўлиши), юқори мақсаднинг қуйи мақсадларга ега бўлиши (ёйиб бўлишлиги), мақсадларнинг бир-бири билан ўзаро муносабатда бўлиши уларни қандайдир бир тартибга солиш заруриятини туғдиради. Бундай вазифани бажариш учун менежмент фанида "мақсадлар шажараси" деб аталган махсус усул қўлланилади.
"Мақсадлар шажараси" - бу мақсадлар билан уларга еришиш воситалари ўртасидаги алоқанинг график тасвиридир.
У бўлажак воқеалар ўзаро алоқасининг тўла манзарасини тасаввур қилиш, аниқ вазифалар рўйхатини олиш ва уларнинг нисбатан муҳимлиги тўғрисидаги ахборотга ега бўлиш имконини беради. У ташкилий структура билан мақсадлар структураси ўртасида мослашувни вужудга келтириш йўли билан мақсад топшириқларини бевосита ижрочиларга етказишни таъминлайди.

3.3. Бошқариш функциялари мазмуни ва моҳияти
Дастлаб "функция" ва "вазифа" ибораларининг луғавий маъноси тўғрисида икки оғиз сўз.
"Функция" -бу лотинча сўз бўлиб, бирор кимса ёки нарсанинг иш, фаолият доираси, вазифаси деган маъноларни билдиради.
"Вазифа" - бу амалга оширилиши, ҳал қилиниши лозим бўлган масала, ўрганилиши лозим бўлган, кўзда тутилган мақсад, ёки бирор-бир топшириқ, хизмат, юмуш, хизмат лавозими, мансаб, амал демакдир.
"Функция" тушунчаси "вазифа" тушунчасига нисбатан торроқ, маънога ега. Зеро, функция фақат ўз фаолият доирасидаги вазифаларни ўз ичига олади.
"Вазифа" еса ўз фаолият доирасидан ташқарида ҳам бўлиши мумкин.