3-Мавзу: менежмент жараёни ва унинг функциялари режа

Муаммоли мақсад. Сотиш хажмини қисқа муддат (2 ой) ичида кескин кўпайтириш:
- маҳсулотга бўлган талабнинг кескин пасайиш сабабларини аниқлашни;
- кўп омилли корреляцион-регрессион таҳлилни амалга оширишни;
- енг мақбул қарорлар қабул қилишни тақозо етади.
Инновацион мақсадлар - бу янги маҳсулотни ишлаб чиқариш, янги технологияни жорий қилиш буйича қўйиладиган учинчи гуруҳдаги мақсадлардир. Масалан, тадқиқот бўлими ходимларининг мақсади қуйидагича бўлиши мумкин: "1 июлгача експорт учун мўлжалланган уч турдаги янги маҳсулотни синовдан ўтказишни таъминлаш".
Мақсад қанчалик мураккаб бўлса, у бошқарувчи учун шунчалик муаммоли ёки инновацион бўлиши мумкин.
Тўртинчи гуруҳ мақсадлар - бу корхона ходимлари малакасини ошириш соҳасидаги мақсадлар бўлиб, улар узок, муддатли (стратегик) режа асосида мунтазам равишда амалга оширилиб борилади. Масалан, "3-5 йил ичида 20 % корхона ходимлари малакасини ошириш".
Корхона умумий мақсадининг самарадорлиги якка, яъни ҳар бир ходим мақсадининг қанчалик тўғри аниқланганлиги ва нақадар самарали адо етилганлигига боғлиқ бўлади. Шу сабабли ҳар бир ходим олдига қўйиладиган мақсадга нисбатан қуйидаги талаблар қўйилади.
Ходим мақсади юқори бўғиндаги бўлимлар мақсадига бўйсуниши, унга мос бўлиши керак.
Мақсадлар каскади (поғоналари). Қуйидаги ҳолларда якка мақсадлар корхона мақсадининг самарали бўлишига хизмат қилади:

• 
  ходимнинг ўз олдига қўядиган мақсади 4 тадан 8 тагача бўлиши, ундан ошмаслиги керак.;
  
• 
  якка мақсаднинг пировард натижаси ва аниқ муддати белгиланган бўлиши керак. Акс ҳолда у мавҳумликка юз тутади;
  
• 
  режалаштириладиган мақсад ҳаракат евазига еришиладиган, шу билан бирга, амалга ошириладиган даражада бўлиши керак.
  

Умуман ҳар бир киши мақсадга еришишнинг йўли оғир ва мураккаб бўлиши мумкинлигини англаши керак. У ўз мақсадига осонлик билан еришишига умид боғламаслиги керак. Шундагина у ҳар қандай кутилмаган муваффақияцизликка тайёр бўлади, тушкунликка тушмайди.
Мақсад, хусусан, умумий (бош) мақсад жуда кенг қамровли ва ўта мураккаб категориядир. Унга қуйидаги сифатлар хос:

• 
  тобе бўлишлик;
  
• 
  ёйиб бўлишлик;
  
• 
  ўзаро муносабат (боғланиш)да бўлишлик.