3-Мавзу: менежмент жараёни ва унинг функциялари режа

3-Мавзу: МЕНЕЖМЕНТ ЖАРАЁНИ ВА УНИНГ ФУНКЦИЯЛАРИ
Режа:
3.1. Бошқарув мақсади ва унга қўйиладиган асосий талаблар
3.2. Бошқарув мақсади турлари
3.3. Бошқариш функциялари мазмуни ва моҳияти
3.4. Бошқаришнинг асосий, ўзига хос аниқ функциялари
3.1. Бошқарув мақсади ва унга қўйиладиган асосий талаблар
Мақсад - бу муддао, мурод, яъни у ёки бу ниятга еришмоқ учун кўзда тутилган муштарак орзу. Айнан, шу мақсад киши фаолиятини, ўз орзуларини ушалишига йўналтиради. Биз дастлаб ўзимизнинг олдимизда турган мақсадимизни аниқлаб оламиз, сўнгра еса шу мақсадимиз:

• 
  бўлажак ҳаракатларимизни олдиндан аниқлаб беради;
  
• 
  фаолиятимизнинг устувор йўналишини белгилайди;
  
• 
  фаолиятимизни аниқ соҳага, ишга йўналтиради;
  
• 
  у ёки бу фаолиятимизнинг зарурлик даражасини белгилаб беради;
  
• 
  пировард натижамизнинг бахолаш меъёрларни белгилайди ва х.к.
  

Мақсаднинг илмий асосланганлиги ва тўғри белгиланганлиги бошқарув учун жуда муҳимдир. Чунки айнан шу мақсадга биноан:

• 
  бошқариш функциялари;
  
• 
  бошқариш усуллари;
  
• 
  бошқаришнинг тузулмавий таркиби;
  
• 
  лавозимларни белгилаш ва кадрларни танлаш каби муҳим масалалар ҳал етилади.
  

Бошқарув мақсадига қўйиладиган асосий талаблар қуйидагилардан иборат:
1. Мақсад бир маъноли ва аниқ бўлиши керак.
Агар қаёққа боришни билмасангиз, у ҳолда бирор йўлни танлашга ҳам ҳожат қолмайди.
2. Мақсад реал ва бажарилиши мумкин бўлиши керак.
- қайси томонга сузишни аниқ мақсад қилиб олмаган елканли қайиққа ҳеч қандай шамол ҳам ҳамрох бўла олмайди.
3. Мақсад миқдоран ўлчовга ега бўлиши керак.
Миқдоран ўлчовга, меъёрга ега бўлмаган мақсад - бу сароб.
4. Мақсад барча бажарувчиларга тушунарли бўлмоғи даркор.
5. Мақсад бўлимлар ва маъсуллар бўйича деталлаштирилган бўлиши керак.
Мақсад, уни бошқариш принциплари, пировард натижаси бажарувчиларга тушунарли бўлиши ва уларга ёзма равишда содда тилда етказилиши керак.
6. Мақсад кўп қиррали бўлиши керак
Мақсад ҳар бир фаолият тури, ҳар бир масъул шахс бўйича майда-чуйдасигача батафсил тақсимлаб чиқилган бўлиши лозим. Бу - умумий, бош мақсаднинг хусусий ва якка мақсадларга бўлинишини, "Мақсадлар шажараси" ни тузишни талаб қилади.