3-Мавзу: менежмент жараёни ва унинг функциялари режа

Истиқболли (перспектив) мақсадлар деганда беш йил ёки ундан кўпроқ давр мобайнида амалга ошириладиган мақсадлар тушунилади. Масалан, республикамизда ишлаб чиқилган "Кадрларни тайёрлаш Миллий дастури"ни рўёбга чиқаришдек улуғвор мақсад қуйидаги уч босқичдаги муддатни ўз ичига олади:
- 1997-2001 - мавжуд кадрлар тайёрлаш тизимининг ижобий салоҳиятини cақлаб қолиш асосида ушбу тизимни ислох қилиш ва ривожлантириш учун хуқуқий, кадрлар жихатдан, илмий-услубий, молиявий-моддий шарт-шароитлар яратиш.
- 2001-2005 - миллий дастурни тўлиқ рўёбга чиқариш, меҳнат бозорининг ривожланиши ва реал ижтимоий-иқтисодий шароитларни ҳисобга олган ҳолда унга аниқликлар киритиш.
- 2005 ва ундан кейинги йиллар - тўпланган тажрибани таҳлил қилиш ва умумлаштириш асосида мамлакатни ижтимоий-иқтисодий ривожлантириш истиқболларига мувофиқ кадрлар тайёрлаш тизимини такомиллаштириш ва янада ривожлантириш.
Узлуксиз мақсадлар деганда ҳар куни қабул қилинадиган ва амалга ошириладиган одатий мақсадлар тушунилади. Масалан, меҳнат унумдорлигини ўстириш, интизомни мустаҳкамлаш, маҳсулот таннархини пасайтириш, маҳсулот сифатини ошириш кабилар мунтазам, кунда талаб килинадиган мақсадлардир
Бошқариш жараёнида бир марталик мақсадларга ҳам зарурият туғилиши мумкин. Бундай мақсадлар, одатда, корхона учун кутилмаган, фавқулодда вужудга келган муаммони ечиш учун ўртага қўйилади. Бу мақсад, масалан, табиий офат юз берган холда шу офатни бартараф қилиш учун зарурий маблағни ажратиш кўринишида бўлиши мумкин.
Бошқаришга мақсадли ёндошув намояндалари барча мақсадларни қуйидаги тўртта гуруҳга бўлишади:

• 
  оддий, қотиб қолган анъанавий мақсадлар;
  
• 
  муаммоли мақсадлар;
  
• 
  инновацион мақсадлар;
  
• 
  ходимлар малакасини, маҳоратини ошириш бўйича мақсадлар.
  

Биринчи гуруҳдаги мақсадлар ҳар кун қабул қилинадиган ва амалга ошириладиган одатий мақсадлар бўлиб, уларнинг бажарилишини таъминлаш тегишли бўғиндаги раҳбарнинг бевосита бурчига киради.
Иккинчи гуруҳдаги мақсадлар одатий мақсадлардан фарқ қилади. Бу мақсадлар корхонага ва айрим ходимга қийинчиликлар туғдиради.