3. маъруза матни 1-боб. Давлат ва ҳуқуқ назариясининг предмети ва унинг ўзига хос хусусиятлари

Инсон ва фуқаролар асосий ҳуқуқ ва эркинликларининг устуворлиги принципи. Инсон, унинг ҳуқуқ ва эркинликлари олий қадрият сифатида эътироф этилиши принципидан келиб чиққан ҳолда давлат механизми (аппарати) ўз фаолиятини амалга ошириши лозим. Давлат органларини ташкил этишдан асосий мақсад ҳам инсон, унинг манфаат ва эҳтиёжларини таъминлаш, ҳимоя қилиш ва уларга риоя этишдир. Давлат механизми (аппа- рати) ўз фаолиятида турли давлат органларининг норматив-ҳуқу- қий ҳужжатларни қабул қилиш даврида инсон ҳуқуқ ва эркин- ликларининг бирламчи эканлигидан, ҳеч бир орган инсон ҳуқуқ ва эркинликларига зид ҳужжатлар чиқариши мумкин эмаслигини кафолатлайди. Зеро, Ўзбекистон Республикасининг Конституция- сида ҳам давлат фуқароларнинг ҳуқуқ ва эркинликларини кафолатлашиэътирофэтилган.Ҳарқандайдемократикҳуқуқий давлатда инсон ҳуқуқлари олий қадрият сифатида тан олинади ва эъзозланади.
Демократизм принципи. Давлат механизми (аппарати) ташкил этилиши демократик принцип асосида амалга оширила- ди. Чунки, давлатнинг қонун чиқарувчи органлари халқ томони- дан сайлаш орқали ташкил этилади. Жумладан, Ўзбекистон Рес- публикаси Олий Мажлисининг Қонунчилик палатасига 150 нафар депутат Ўзбекистон халқи томонидан яширин овоз бериш асоси- да сайланади ва шу демократик тартибда Олий Мажлиснинг Қонунчилик палатаси шакллантирилади. Худди шу каби Олий Мажлиснинг юқори палатаси бўлган Сенат ҳам халқ вакиллари- нинг иштирокида ташкил этилади. Сенатдаги мавжуд 100 нафар сенаторнинг 16 нафарини Президент тайинласа, 84 нафарини вилоят, Тошкент шаҳар ва Қорақолпоғистон Республикасидан 6 нафардан маҳаллий вакиллик органлари депутатлари йиғилишида сайланади. Маҳаллий жойлардаги Халқ депутатлари Кенгашлари ҳам демократик сайлов асосида шакллантирилади.
Ижро этувчи ҳокимият – Ҳукумат ҳам халқ томонидан сайланган Президент тақдимига биноан Олий Мажлис томонидан ташкил қилинади. Олий суд, Олий хўжалик суди ва Конститу- циявий судларнинг раиси ва унинг ўринбосарлари, шунингдек, судьялари ҳам Олий Мажлисдаги халқнинг вакиллари бўлган сенаторлар томонидан сайланади.
Давлат механизми (аппарати) халқнинг иштирокида шакл- лантирилади, халқ ҳокимиятини ифодалайди, у ҳам ўз фаолия- тида фақатгина халқ манфаатларига хизмат қилади.