3. Маъруза: Атом-абсорбцион спектроскопия. Атом ютилиш спектроскопияси

Аниқлаш чегараси. Қуйидаги жадвалда баъзи кенг тарқалган элементларни аланга ва электротермик атомизаторлар билан аниқлаш чегаралари келтирилган. Таққослаш учун жадвалнинг охирги устунида шу элементларни атом-эмиссия усули билан аниқлашнинг чегаралари ҳам келтирилган.

3.1-жадвал. Намунани аланга ва электротермик атомизатор (графит печи) билан атомлаганда элементларнинг миқдорини аниқлашнинг чегараси

Элемент	Электротермик атомизатор		Аланга атомизатори	Атом-эмиссион анализ
	, г	, г	, г	, г
Al		0,005	30	5
As		0,02	100	0,0005
Ca		0,02	1	0,1
Cd		0,0001	1	-
Cr		0,01	3	-
Cu		0,002	2	10
Fe		0,005	5	30
Hg		0,1	500	0,0004
Mg		0,00002	0,1	5
Mn		0,0002	2	5
Mo		0,005	30	100
Na		0,0002	2	0,1
Ni		0,02	5	20
Pb		0,002	10	100
Sn		0,1	20	300
V		0,1	20	10
Zn		0,00005	2	0,0005

*-маълумотлар Welz B. Atomic Absorption Spectroscopy. Weinheim, Verlag Chemie, 1976 китобидан олинган.

**-маълумотлар Skoog D. Principles of Instrumental Analysis, 3rd Ed., CBS College Publishing, N. Y., 1985. P. 280 китобидан олинган

Жадвалдан кўриниб турибдики кўпчилик элементлар учун аланга атомизатори ишлатилганда атом-абсобция усули билан аниқлашнинг чегараси 1 дан то 20 нг/мл оралиқда жойлашган.

Натижаларнинг такрорланиши. Оддий шароитларда аланга атомизатори билан жиҳозланган бир нурли асбобларда ишлаганда атом-абсорбция усулининг нисбий хатоси тақрибан 1-2 % ташкил қилади. Махсус амаллар орқали (икки нурли спектрометр ва б.) бу қийматни 0,3-0,7 % гача камайтириш мумкин.


Мавзуни мустаҳкамлаш учун саволлар:

1. Атом-абсорбцион спектроскопия усули нимага асосланган (атом, оптик нурлар, ютиш қўзғалмаган).

2. Аналитик сигналнинг катталиги нималарга боғлик (концентрация, ютиш коэффициенти, оптик йўл, оптик зичлик).
3. Моддани атомлаштириш усуллари: аланга, электротермик атомизаторлар, бу усулларнинг бир-биридан фарқи, устунлиги ва камчиликларининг сабаблари.
4. Ёруғлик манбалари. Ғовак катодли лампанинг тузилиши ва унинг спектри (катод, анод, инерт газ, мусбат ион, разряд).
5. Атом абсорбцион спектрометрнинг таркибий қисмлари ва унинг ишлаш принципи (нурланиш, атомлаштиргич, монохроматор, детектор, компьютер).
6. Спектрал ва физик - кимёвий халақитлар, уларнинг сабаблари ва йўқотиш усуллари (фоннинг нурланиши, модулятор, атомлашнинг чалалиги, ион, спектроскопик буфер, қуритиш, температура, бойитиш, ўтга тоблаш, учувчи).
7. Нима учун АЮС усулида монохроматик нурлардан фойдаланилади?
8. АЮС ва АЭС усулларни уларнинг асосий метрологик кўрсатгичлари бўйича таққосланг (бир ва кўп элементли, қўзғалган ва асосий ҳолатлар, сифат ва миқдорий анализлар, сезгирлик, қўшимча қўшиш).