3-курс Хусусий ҳуқуқ факультети талабалари учун оралиқ назорати казуслари 1-казус

Вазиятга ҳуқуқий баҳо беринг.
10-казус
Тошкент-Самарқанд трассасидаги пиёдалар йўлакчасидан ўтаётган фуқаро Осмоновни фуқаро Долиевга қарашли давлат рақами 30 B 234 SA бўлган, “Nexia” русумли автомашина катта тезликда уриб юборди. Натижада Осмонов воқеа жойида ҳаётдан кўз юмди. Буни эшитган онасининг ағволи оғирлашиб қолди. Бунинг натижасида Осмоновнинг оиласи оғир аҳволда қолди. Чунки у оилада ягона боқувчи эди, оиласида эса қари ота-онаси, болалари тарбияси билан банд бўлган хотини ва уч нафар фарзанди бор эди. Шу сабабли Осмонов оиладаги ягона боқувчи эди. Осмоновнинг рафиқаси бу ҳолатда судга мурожаат қилиб, дафн харажатлари учун, онасининг даволаниши учун моддий зарарни, шунингдек оилада вужудга келган руҳий тушкунлик учун маънавий зарар жами ҳисобда 200 000 000 миқдорда моддий ва маънавий зарар сўрайди.
Вазиятга ҳуқуқий баҳо беринг.
11-казус
Тўрт улфат навбатдаги кафега ташрифдан сўнг, кўчага чиққан пайтларида яқин масофада ўтиб кетаётган йўловчи Ольга исмли шахсга ширакайф ҳолатда “гап отишгандек” бўлдилар: бир, икки, учинчисидан сўнг Ольга қўлида етаклаб, сайр қилдириб юрган кучукни уларга қарата қўйиб юборди. Улфатлар кучукнинг важоҳатидан жон ҳолатда қочдилар. Уларнинг бири шундоғам юрак касали туфайли вақти-вақти билан шифокор кўригида бўлиб турарди. Бирининг оёғи тойилиб кетиб, қаттиқ йиқилиб тушди. Иккиси қочган бўлди. Кучук етиб олганларда “ўз изини қолдирди”.
Вазиятга ҳуқуқий баҳо беринг.
12-казус
Институт иккита прибор сотиб олди, унинг ишлаши симоб моддаси буғидан фойдаланишга асосланади. Институт капитал таъмирланиши боис приборлар 6 ой муддатга товар омборида омонат сақлаш учун топширилди ва борада юк топширувчи сақлаш юкхати берди, унда приборларнинг баҳоси кўрсатилди.
Орадан икки ҳафта ўтгач, транспортировка (юклаш) жараёнида приборларнинг ички зарарланиши натижасида симоб моддаси парлари ташқарига чиқиб кетди. Товар омбори дарҳол бу ҳақда институтга хабар берди.
Приборларни сақлаш учун алоҳида хона топилгандан сўнг институт вакиллари учинчи куни приборларни олиб кетишга келишди, бироқ уларга приборлар атроф муҳитга зарарли бўлганлиги боис йўқ қилинганлиги маълум қилинди.
Институт йўқотилган приборлар қийматини тўлашни ва бой берилган фойдани тўлашни талаб қилди.
Товар омбори эса, омонат сақлаганлик учун ҳақ тўлашни талаб қилди.