3-курс Хусусий ҳуқуқ факультети талабалари учун оралиқ назорати казуслари 1-казус

Вазиятга ҳуқуқий баҳо беринг.
9-казус
Ўринов Остон бобо вафотидан кейин унинг 5 нафар ўғли, 2 нафар қизи ва вафот этган қизининг болалари ўртасида меросни бўлиш бўйича низо келиб чиқди. Остон бобонинг катта ўғли Рустам ва қизи Муаяссар мерос бўлишда барча меросхўрларга тенг улушларда тақсимлаш лозимлигини билдиришса, бобонинг қолган тўрт ўғли: Ислом, Ўктам, Қаҳрамон ва Ботирлар мерос фақат кенжа ўғил Ботирга берилиши кераклигини, чунки сўнгги 20 йил мобайнида бобони у парваришлаганини, шу сабабли барча ака-ука ва опа-сингиллар Ботирнинг фойдасига улушдан воз кечиш лозим, деган хулосага келишди. Бобонинг яна бир қизи Нозима эса бу масалада бетараф қолди.
Нотариус билан учрашув пайтида улар ушбу фикрни айтишганида нотариус Эшимов Остон бобонинг фарзандларини инсофга чақириб, ўзаро келишиб бир қарорга келишишларини сўради. Орадан бир ҳафта вақт ўтганидан сўнг Эшимов бобонинг катта фарзандлари Муаяссар ва Рустамни чақириб оиланинг қолган аъзолари меросдан кенжа фарзанд Ботирнинг фойдасига воз кечганликларини, улар ҳам шундай йўл тутишса инсоф ва адолатдан бўлишини билдирди. Бироқ Рустам бу фикрга қўшилмади ва оиланинг тўнғич фарзанди ва катта ўғил сифатида укаларининг бундай йўл тутишини нотўғрилигини, отасидан олдин вафот этган синглисининг фарзандларига уларнинг улушини ажратиб беришини, қолаверса ўзи ва опаси Муяссарнинг улушини ҳам ажратиб беришни талаб қилди.
Нотариус ушбу вазиятда бобонинг мулкиини кўпайишига ҳисса қўшган у билан бирга яшаб парвариш қилган Ботирнинг улуши одатдаги меросхўрларнинг улушидан кўпроқ бўлишини, у Остон бобонинг мулкига нисбатан умумий мулкдор сифатида мероснинг катта қисмини олишини тушунтирди.
Бундан норози бўлган Рустам судга мурожаат қилди ва нотариус улушларни тақсимлашда нохолислик қилаётганлигини, чунки нотариус Рустамнинг укаси Қаҳрамон ва Ботир билан оғайни эканлигини, шу иккала кенжа ўғиллар барча низо ва ихтилофларни бошида туришини ва шу сабабли мерос мол-мулкни меросхўрлар ўртасида тенг ва адолатли тақсимланишини, чунки синглиси Нозимани ва Ислом билан Ўктамни ҳам улар ўз томонидан оғдириб, воз кечиш ҳақидаги тилхатга алдов йўли билан қўл қўйдириб олганликларини, вафот этган синглисининг фарзандларига эса ҳеч нарса беришмаганлигини билдирди.