3. Bólim. Basım ayırmashıqları ózgermes sarıpınıń ólshegishleri

Qadaǵalaw sorawları

1. 
   Ózgeriwsheń qáddili sarıp ólshegishler qanday suyıqlıqlar ushın qollanıladı?
   
2. 
   Belgili bir kese kesimdegi trubadan aǵıp ótip atırǵan aǵıstıń tezligin qanday etip sarıpqa aylandırıw múmkin?
   
3. 
   Ne ushın elektromagnitli sarıp ólshegish penen elektr ótkeziwsheń bolmaǵan suyıqlıqtıń sarıpın ólshew múmkin emes?
   
4. 
   Iyrimli sarıp ólshegishniń islewine neler tásir etedi?
   
5. 
   Elektr ótkeziwsheńligi bolmaǵan suyıqlıq sarıpın qaysı sarıp ólshegishde ólshenedi?
   
6. 
   Úlken kólemli trubinalarda suw sarıpın qadaǵalaw ushın kaysı sarıp ólshegishler isletiledi?
   

V.BAP. SUYIQLIQ HÁM SHAILIWSHAŃ ZATLAR QÁDDINIŃ BIYIKLI


1Bólim. Suyıqlıq hám shaılıwshań zatlar qáddiniń biyikligin ólshew.

1. 
   Tiykarǵı maǵlıwmatlar hám klassifikatsiyası.
   

1. 
   Qalqıwshı qáddi ólshegishleri.
   
2. 
   Gidrostatik qáddi ólshegishler.
   
3. 
   Pezometrik qáddi ólshegishi.
   

Suyıqlıq hám shashılıwshań zatlar qáddi biyikligin ólshew texnologik protsesslerin avtomatlastırıw úlken áhmiyetke iye. Qáddi biyikligin ólshew zattıń ıdıstaǵı muǵdarın anıqlaw hám texnologik protsesste qatnasıp atırǵan islep shıǵarıw apparatında qáddi jaǵdayın qadaǵalawdan ibarat.

Islew xarakteri jaǵınan qáddi biyikligin ólshegishler úzliksiz hám úzlikli (releli) boladı. Olar signalizatsiya maqsetinde isletiledi hám qáddi biyikligi signalizatorı deyiledi. Bul áspablar islew prinsipi boyınsha bir-birinen ayrılıp turadı. Qáddi biyikligin qadaǵalaw áspabları shkalalı hám shkalasız boladı. SHkalasız áspablar ádette ekilemshi áspablar menen birge isletiledi hám qáddi biyikliginiń shegarası haqqında ǵaressiz signal beredi.
Qáddi biyikligin ólshew áspabları ólshenetuǵın ortalıqtıń xarakteri hám islew prinsipine qarap: kórsetkish aynası; qalqıwshı; gidrostatik; elektrik (sıyımlıqlı, induktivlik hám basqalar); radioizatoplı, ultrasesli; radiotolqınlı, termokonduktometrik hám basqalarǵa bólinedi.

2.