3-Amaliy mashg‘ulot: Internet dasturiy ta`minoti. O’zbekistonda mavjud provayderlar ro’yxati va ularning imkoniyatlari

Videokonferentsiyalarda ishtirok etish
Videokonferentsiyalar - bu odamlarga biri-biri bilan muloqot qilish imkoniyatini beruvchi kompyuter texnologiyasidir. Oddiy kompyuter yordamida ma'lumotlarni ko`rish, almashish, birgalikda tahlil qilish mumkin. Bunda siz ko`rish va eshitish imkoniyatiga ega bo`lasiz.
Konferentsiyada qatnashish uchun quyidagilar zarur:

• 
  Kompyuterda maxsus videokonferentsiyani ta'minlovchi qurilma va dasturiy ta'minot o`rnatilgan bo`lishi shart.
  
• 
  Videokamera
  
• 
  Audiomikrofon
  
• 
  Internet
  

Videokonferentsiyalar nima uchun kerak?
100 marotaba eshitgandan ko`ra bir marta ko`rgan ma'qul deyishadi. Haqiqatan ayrim vaziyatlarda suhbatdoshni eshi­tish etarli bo`lmaydi. Ilmiy tekshirishlar telefon orqali muloqot qilinganda ma'lumotning 10 foizigina qabul qilinishini ko`rsatdi. Suhbatdoshni ko`rganda ma'lumotning 60 foizi qabul qilinadi. Shuning uchun insoniyat qimmatli vaqtining aksariyatini safarlarga sarflaydi. Bunda vaqtdan va puldan yutqazadi. Bu muammoni videokonferentsiyalar engilgina hal etdi. Endilikda universitetlar, yirik-yirik korxonalar muzokara va turli anjumanlarni videokonferentsi­yalar yordamida amalga oshirmoqda.
Videokonferentsiya quyidagi imkoniyatlarga ega:

• 
  Bir paytning o`zida dunyoning turli nuqtalaridagi mutaxassislarni virtual konferentsiya xonaga yig`ish.
  
• 
  Turli matnli, audio va videoli ma'lumotlarni uzatish.
  
• 
  Birgalikda ma'lumotlarni ko`rish
  
• 
  Boshqalarni ko`rish hamda ularning fikrini eshitish va umuman muhokamada aktiv ishtirok etish.
  
• 
  Operativ ravishda maslahatlar (konsultatsiyalar) berish yoki olishdan iborat.
  

Demak, videokonferentsiya birgalikda ma'lumotlarni interaktiv holda (bir paytning o`zida) ko`rish, eshitish va tahlil qilish imkoniyatini beruvchi Internet anjumanidir.
Hozirgi kunda bu anjuman o`qishda (masofadan o`qitish), meditsinada (telemeditsina), boshqarishda (elektron ofislar), ehtiyotlash tizimlarida va boshqa turli sohalarda juda qo`l kelmoqda. Faraz qilaylik, siz bir muammo bilan ishlamoqdasiz va uni boshqa mamlakatdagi hamkasblar bilan muhokama qilmoqchisiz. Bir joyga yig`ilish uchun mablag` va vaqt zarur. Internet yordamida bu muammoni tezgina muhokama qilib hal qilish mumkin.
Konferentsiyada quyidagilar muhim ahamiyatga ega:

• 
  Bog`lanish tarmog`i sifati va tezligi yuqori bo`lishi shart (64Mb/cek da ishlash mumkin, lekin 128 Mb/cek tavsiya etiladi). Odatda videokonferentsiyalarni o`tkazish uchun 64 Kb/s dan 512 Kb/s tezlikli ISDN yoki 1-1.5 Mb/s gacha bo`lgan IP tarmoqlardan foydalaniladi. qoniqarli sifatli tasvirlar 200 Kb/s tezlikda va yuqori sifatli tasvirlar 300 Kb/s tezlikda olinadi.
  
• 
  Audio va video ma'lumotlarni ishlash tezligi muammosi, ya'ni uzatilayotgan ma'lumotlarni kodlash va qayta tiklash tezligi. Agar kompyuter kelayotgan kadrlarni, ovozlarni qayta ishlashga ulgurmasa, video va audio ma'lumotlarda uzilish bo`ladi. Ya'ni ma'lumotlar to`la aks ettirilmaydi.
  

Bunda videokonferentsiya mazmuni yo`qoladi.
Bu muammoni odatda maxsus kodek yordamida hal etish mum­kin. Kodak maxsus qurilma bo`lib u kompyuterga o`rnatiladi. Kodekning vazifasi tarmoq uchun signalni siqib va ochib berishdir.
Konferentsiyalarni 2 nuqta (ob'ekt) va ko`p nuqtalar (ob'ektlar) o`rtasida o`tkazish mumkin.
Maxsus videoserverlar yordamida ko`p nuqtali videokon­ferentsiyalarni o`tkazish mumkin. Buning uchun maxsus video-sereverlardan ko`p nuqtali videokonferentsiya qurilmasi MCU (Multi Conference Unit)dan foydalaniladi. Bu qurilmalar videokonferentsiya imkoniyatlarini oshiradi. Video­server 3 va undan ortiq nuqtalarni bog`lash imkoniyatini beradi. Masalan, konferentsiyada 10 nuqta ishtirok etishi mum­kin. Kompyuter 9 nuqtadan kelayotgan ma'lumotlarni qabul qilishi va ularga uzatishi zarur bo`ladi. Bunday konferen­tsiyalarni o`tkazish narxi juda yuqori bo`ladi.
2 nuqtali bog`lanish ham 2 shaxs o`rtasida va 2 sinf o`rta­sida bo`lishi mumkin.
2 nuqtali bog`lanishni amalga oshirish uchun quyidagi dasturlardan foydalanish mumkin: NetMeeting, CuSeePro.