3-Amaliy mashg‘ulot: Internet dasturiy ta`minoti. O’zbekistonda mavjud provayderlar ro’yxati va ularning imkoniyatlari

3-Amaliy mashg‘ulot: Internet dasturiy ta`minoti. O’zbekistonda mavjud provayderlar ro’yxati va ularning imkoniyatlari.

Reja:

1. 
   Internetda ishlash uchun zarur bo’ladigan dasturlar
   
2. 
   Internetda ishlashni ta`minlovchi dasturlar
   
3. 
   Google Chrome mashhurligi to’g’risida ma`lumot
   
4. 
   Internet Explorer dasturida ishlash
   
5. 
   Elektron pochta xizmatidan foydalanish
   
6. 
   Videokonferentsiyalarda ishtirok etish
   

Tayanch iboralar.
Brauzer, electron pochta, yangiliklar, videokonferensiyalar, “FireFox”, Netscape, Internet Explorer.

Internetda ishlash uchun zarur bo’ladigan dasturlar

Internetga kirishdan oldin kompyuteringizda kerakli dasturiy ta'minot bo`lishi zarur. Umumjahon tarmoqda ishlash uchun asosiy dastur “brauzer” deb ataladi va Windows operatsion tizimida bu xizmatni “Internet Explorer” (IE) dasturi bajaradi. Hozirgi kunda, tajribali foydalanuvchilar boshqa brauzerlar bilan ham foydalanishadi. Birinchisi – “Opera” nomi bilan tanilgan dastur. Internet Explorer -dan ko`ra bu dastur Web sahifalarni tezroq yuklaydi, foydalanish interfeysi ham qulayroq. Ikkinchisi – “FireFox” brauzeri. Bu dastur ham IE dan ancha ustunliklarga ega.

Internet fazosini kezib yurganingizda siz katta fayllarni ko`chirish yoki yuklash muammosiga duch kelasiz. Bu qiyinchilikni bartaraf qilishda yuklash menejer dasturlari yordam beradi. Bunday dasturlar fayllarni ko`chirish tezligini oshiradi, hatto Internet aloqasi uzilsa ham faylning davomini ko`chirish imkoniyatini yaratadi. Yuklash menejerlar namunalari: ReGet, FlashGet, GetRight.

Internetdan olingan hujjatlarni ko`rish uchun, albatta, Microsoft Office dasturlari ham qo`llaniladi. Asosan ishlatiladigan dasturlar: Word, Excel, PowerPoint.

Umumjahon tarmoqda keng tarqalgan hujjatlarning formati – “pdf” va “djvu”. Tarmoqda kitoblar, ko`proq, ayni mana shu shaklda saqlanadi. “PDF” fayllarni ko`rish uchun Acrobat Reader dasturi qo`llaniladi, “djvu”-ni esa – WinDjView dasturi.